У «Газпроме» не каментуюць гэтую інфармацыю. Выступаючы ў аўторак у Бярозе, Лукашэнка хваліўся, што цана на газ для Беларусі будзе «падаючай» і ўпадзе на працягу году ў 2,5‑3 разы.
У прэс‑службе ААТ «Газпром» не каментуюць інфармацыю аб тым, што цана на газ для Беларусі ў першым квартале 2009 года можа скласці 160—170 даляраў за тысячу кубаметраў.
У расійскай кампаніі таксама не змаглі адказаць, ці будзе абвешчана цана да канца гэтага года.
Аб тым, што цана на расійскі газ для Беларусі
ў першым квартале 2009 года можа скласці 160—170 даляраў,БелаПАН паведаміла інфармаваная расійская крыніца.
Суразмоўца таксама зазначыў, што ў найбліжэйшыя дні ў Маскву накіруецца дэлегацыя на чале з першым віцэ‑прэм’ерам Уладзімірам Сямашкам, якая павінна канчаткова ўзгадніць цану і дакументальна аформіць газавыя дамоўленасці паміж Масквой і Мінскам.
Выступаючы ў аўторак у Бярозе, Лукашэнка хваліўся, што цана на газ для Беларусі будзе «падаючай» і ўпадзе на працягу году ў 2,5‑3 разы. Цікава, што ўсе важныя рашэнні ў расійска‑беларускіх адносінах (СПА, прызнанне каўказскіх рэспублік, пераход на расійскі рубель) адкладзеныя на канец студзеня. Тады, як той казаў, ці карова здохне, ці сена скончыцца.
***
На прэс‑канферэнцыі 11 снежня ў Мінску намеснік міністра эканомікі Уладзімір Адашкевіч заявіў, што Беларусь разлічвае ў 2009 годзе купляць расійскі газ па цане, не вышэйшай за 160 даляраў за тысячу кубаметраў.
22 снежня Аляксандр Лукашэнка і Дзмітрый Мядзведзеў на сустрэчы ў Крамлі ўзгаднілі цану на газ, які пастаўляецца з Расіі ў Беларусь, на 2009 год.
Як паведаміла прэс‑служба прэзідэнта Беларусі, «па выніках перамоў была вызначана прымальная для беларускага боку цана на газ».
У першым квартале 2008 года Беларусь купляла расійскі газ па 119 даляраў, з другога квартала цана ўстаноўлена на ўзроўні 127,9 даляра за 1 тыс. кубічных метраў.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву4
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары