Nieviadomyja sapsavali hrafici z partretam Marka Šahała ŭ dvary pa vulicy Suvorava, 38 u Viciebsku. Hrafici zamalavali šeraj farbaj z bałončyka. Pra heta paviedamiŭ dyrektar Centra sučasnaha mastactva Andrej Duchoŭnikaŭ.
«Išoŭ mima, zaŭvažyŭ. Nie viedaju, ci možna papravić, — raspavioŭ Jeŭraradyjo Andrej Duchoŭnikaŭ. — Mnie, viadoma, škada. Ale takija vuličnyja freski žyvuć svaim žyćciom.
U San-Antonia ŭ 1975 hodzie zrabili hrafici ŭ depresiŭnym mieksikanskim rajonie. I voś užo kolki hadoŭ, ludzi abaraniajuć, restaŭrujuć. A kali chulihany zamalavali hetaje hrafici, dyk ludzi vyklikali taho hraficista, jakomu 70 hadoŭ, i paprasili adnavić. Heta ja da taho, jak ludzi staviacca».
U viciebskim ŽEU paviedamili, što vandały nie pieršy raz psujuć haradskija abjekty, a papravić hrafici Šahała kamunalniki nie zmohuć.
«Vandały i fasady, i padjezdy psujuć, — raspaviali ŭ ŽEU. — Pišuć niezrazumiełyja dla nas litary. U nas niama takich śpiecyjalistaŭ, kab adnavić. U nas adzin malar, jaki valikam i pendźlem pracuje. Škada, što sapsavali».
Malunak z partretam Marka Šahała, jaki naradziŭsia ŭ Viciebsku, źjaviŭsia ŭ horadzie ŭ 2015 hodzie. Hrafici zrabili maładyja mastaki z kamandy Youfeelmyskill Hleb Kaštanaŭ i Jan Kuźmin. Ciapier chłopcy žyvuć i pracujuć u Rasii.
Jeŭraradyjo źviazałasia z aŭtarami hrafici. Chłopcy nie viedali, što ich pracu paškodzili nieviadomyja.
«Navat i nie viedali, nie ŭ Viciebsku znachodzimsia, — raspavioŭ Jeŭraradyjo Hleb Kaštanaŭ. — Adnavić realna, ale my nie płanujem viartacca na radzimu bližejšyja paŭhoda. Kali tolki niechta ź siabroŭ-mastakoŭ u Viciebsku dapamoža. Jość taki čałaviek, jakomu možna budzie davieryć spravu. Matyŭ ludziej, jakija heta zrabili, mnie niezrazumieły».
Kamientary