Na telekanale «Rasija-24» vyjšaŭ vialiki repartaž pra žyćcio ŭ Minsku pasła Rasii ŭ Biełarusi Michaiła Babiča. Siarod inšaha, pakazali naviedvańnie dypłamatam pradpryjemstva «Amkador», jakoje ŭznačalvaje miljanier Alaksandr Šakucin.
«Voś inšy prykład paśpiachovaha ŭzajemadziejańnia Biełarusi i Rasii — niedaloka ad Minska Michaił Babič naviedvaje adrazu niekalki zavodaŭ, dzie vyrablajuć pryłady z kaŭčuka, nadziejnuju hidraŭliku i vypuskajuć na pali takija voś aŭtamabili. Rasijski mietał, rasijski kaŭčuk, rasijskija kamplektujučyja, vytvorčaść łakalizavana tut — u Biełarusi», — adznačaje karespandent «Rasii-24».
Žurnalist skazaŭ, što biełarusy budujuć dva zavody ŭ Rasii — u Branskaj vobłaści i Karelii, dzie vyrablać buduć nie tolki sielskahaspadarčuju techniku, ale i dla lesanarychtovak.
«Maleńkaja Biełaruś umudrajecca inviestavać u ahramadnuju Rasiju, stvarać rabočyja miescy», — adznačajuć jany.
«Čamu vam padabajecca pracavać u Rasii?» — spytalisia ŭ staršyni savieta dyrektaraŭ AAT «Amkador» Šakucina.
«Banalna skažu, ale heta našy braty. Ja nie adčuvaju, što pracuju ŭ Rasii, ja pracuju ŭ rodnaj ajčynie, sajuzie Rasii i Biełarusi», — skazaŭ biznesmen.
***
Hladzi taksama:
Kamientary