Alaksandr Łukašenka padpisaŭ zakon ab ratyfikacyi pahadnieńnia pamiž Biełaruśsiu i Jeŭrakamisijaj ab zasnavańni, pryvilejach i imunitetach pradstaŭnictva Kamisii Jeŭrapiejskich supolnaściej u Respublicy Biełaruś.Pra heta paviedamiła pres‑słužba prezidenta.
Pahadnieńnie było padpisana 7 sakavika 2008 hoda ŭ Brusieli i ratyfikavana parłamientam Biełarusi ŭ śniežni 2008 hoda.
«Tym samym biełaruskim bokam zaviaršajecca narmatyŭna‑pravavoje afarmleńnie ŭmoŭ dla spryjalnaj dziejnaści pradstaŭnictva Kamisii Jeŭrapiejskich supolnaściej na terytoryi Biełarusi, što dazvolić bolš efiektyŭna vieści dyjałoh pa šyrokim śpiektry pytańniaŭ adnosinaŭ Biełarusi ź ES», — havorycca ŭ paviedamleńni pres‑słužby.
Taksama zaznačajecca, što Biełaruś «praciahvaje paśladoŭnaje vystrojvańnie kanstruktyŭnaha i ŭsiebakovaha dyjałohu ź ES, robiačy kankretnyja zachady, što farmirujuć ustojlivuju pravavuju asnovu biełaruska‑ieŭrapiejskich adnosinaŭ».
Pahadnieńnie, u pryvatnaści, daje pradstaŭnictvu Jeŭrakamisii i jaho supracoŭnikam pravy, praduhledžanyja Vienskaj kanviencyjaj ab dypłamatyčnych znosinach 1961 hoda dla dypłamatyčnych pradstaŭnictvaŭ (u tym liku niedatykalnaść pamiaškańniaŭ, karespandencyi i archivaŭ, imunitet ad kryminalnaj jurysdykcyi, padatkovyja lhoty).
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ65
Kamientary