Paplečnika italjanskaha vice-premjera abvinavacili ŭ tym, što jon prasiŭ u Rasii miljony dalaraŭ na vybary
BuzzFeed apublikavaŭ materyjał pra pieramovy, jakija, pa śćviardžeńni vydańnia, adbylisia ŭ Maskvie ŭ kastryčniku 2018 hoda pamiž pradstaŭnikami pravaj italjanskaj partyi «Liha», jakaja ŭvachodzić u kirujučuju kaalicyju, i niejkimi vysokapastaŭlenymi rasijanami. Na hetaj sustrečy havaryli ab finansavańni Maskvoj palityčnaj partyi «Liha» i jaje kampanii 2019 hoda na vybarach u Jeŭrapiejski parłamient. Usiaho ŭ hetaj sustrečy, jak śćviardžaje vydańnie, udzielničali try italjancy i try rasijaniny.
BuzzFeed adznačaje, što vyśvietlić asoby rasijan, jakija ŭdzielničali ŭ pieramovach, žurnalistam nie ŭdałosia. Tym nie mienš, piša BuzzFeed, jany, imavierna, byli vysokapastaŭlenymi čynoŭnikami, bo viedali pra pieramovy vice-premjera Italii Matea Salvini z prezidentam Rasii Uładzimiram Pucinym, jakija prachodzili ŭ Maskvie ŭ hety momant.
Matea Salvini — vice-premjer Italii, lidar partyi «Liha» (raniej «Liha Poŭnačy»), viadomy prychilnik zbližeńnia z Rasijaj. Va ŭradzie zajmaje pasadu ministra ŭnutranych spraŭ. Padčas svajho vizitu ŭ Rasiju ŭ kastryčniku 2018 hoda jon nazvaŭ antyrasijskija sankcyi «sacyjalnym, kulturnym i ekanamičnym absurdam».
Paśla vychadu materyjału BuzzFeed Salvini zajaviŭ, što maje namier padać u sud.
-
Śvińnia źjaviłasia i źnikła ŭ telehram-kanale Dźmitryja Miadźviedzieva
-
«Kamunizm — heta sistema-niaŭdačnica, i tak budzie zaŭsiody». Tramp vystupiŭ z pramovaj na śviatkavańni 250‑hodździa niezaležnaści ZŠA
-
Tramp 1 hadzinu i 25 chvilin havaryŭ z Pucinym. Ušakoŭ padkreśliŭ, što Maskva znoŭ hatovaja da pieramovaŭ
Kamientary