Palicejski ŭ Maskvie ŭdaryŭ zatrymanuju dziaŭčynu kułakom u žyvot. Jaho identyfikavali VIDEA

Padčas mitynhu apazicyi ŭ Maskvie 10 žniŭnia było niamała zatrymańniaŭ. Ale najbolšuju ŭvahu pryciahnuła zatrymańnie 26-hadovaj Darji Sasnoŭskaj. Hety momant trapiŭ na videa.

Pavialičyć

Dziaŭčynu pad ruki ciahnuć dva supracoŭniki Rashvardyi — jany całkam abmundziravanyja, u šlemach, broniekamizelkach. Darja sprabuje vyrvacca z hetych «abdymkaŭ». U adzin z takich momantaŭ «kasmanaŭt» prosta biare i bje dziaŭčynu kułakom pa žyvacie.

«Ja prasiła, kab mnie nie rabili baluča. «Ty brykaješsia», — adkazali mnie. My idziem-idziem, a potym jon ci to spatykajecca, ci to dubinka padaje z ruk, i jon mianie bje», — raskazała Darja rasijskim žurnalistam.

«Heta dzika niepryjemna. U mianie niejak adrazu skryviła ŭsio, ja nie mahła ŭzdychnuć, niejak zamknułasia ŭsio voś tut. Piečań, rebry… Dalej ja nie asabliva razumieła, što adbyvałasia — ja prosta razumieju, što mianie dalej ciahnuli i zasoŭvali ŭ aŭtazak», — kaža Sasnoŭskaja.

Dziaŭčyna pracuje statystam. Zatrymańnie 10 žniŭnia było pieršym u jaje žyćci. Jana kaža, što vielmi kiepska siabie adčuvaje paśla hetaha incydentu.

12 žniŭnia Darja Sasnoŭskaja razam sa svajoj advakatkaj źviarnułasia ŭ Śledčy kamitet z zajavaj ab źbićci. SK maje namier pravieści pravierku pa hetaj situacyi.

Pavialičyć

Sajt Baza.media nazvaŭ imia palicejskaha, jaki ŭdaryŭ dziaŭčynu. Im akazaŭsia Siarhiej Cypłakoŭ, jaho imia vydali kalehi. Cypłakoŭ źjaŭlajecca supracoŭnikam piataha bataljona 2-ha apieratyŭnaha pałka hałoŭnaha ŭpraŭleńnia MUS pa Maskvie.

Palicyjant admaŭlajecca razmaŭlać z žurnalistami, jon pačyściŭ usie svaje akaŭnty ŭ sacyjalnych sietkach, źmianiŭ imiony i vydaliŭ fotki.

Admietna, što situacyja vyklikała abureńnie nie tolki ŭ palityzavanaj častcy hramadstva, ale i ŭ šou-bizie. Papularny rasijski śpiavak Jahor Kryd napisaŭ u instahramie, što spadziajecca na pakarańnie vinavataha. «Ja asabista padaŭ zapyt i mnie paabiacali jaho znajści», — zapeŭniŭ Kryd.

Posmotrieť etu publikaciju v Instagram

Bł*ť... uvidieł etu žiesť v Jutubie i nie mohu projti mimo etoho p*zdieca! Kakim nado byť ubludkom, čtoby udariť pod dych słabyj poł. Voobŝie naplevať, čto ona sdiełała, takoje prosto nie dołžno suka proischodiť! Ja očień nadiejuś, čto na eto OBRATIAT vnimanije, jeho najdut, nakažut i jemu eto vsie taki nie sojdiot s ruk!!! Ja užie lično podał zapros i mnie poobieŝali jeho najti! Jeśli u koho-to jesť lubaja informacija kto etot «policiecskij», i FIO Dievuški prišlitie mnie v direct. P.s. Tak kak počti luboje moje diejstvije ili riešienije privlekajet vnimanije obŝiestviennosť i aktivno obsuždajetsia, to postarajuś napraviť eto v nužnoje rusło i privleċ vnimanije k etomu maksimalnoje koł-vo ludiej. Možietie chieračiť mienia dalšie, vašie pravo, NO mimo ETOJ situacii s nasilijem ja prochodiť nie budu, prosto bolno na eto smotrieť...

Publikacija ot Jehor Krid | #HeartBreakKid (@egorkreed) 11 Avh 2019 v 12:36 PDT

Nie zastaŭsia ŭ baku i pradstaŭnik ad Rasii na Jeŭrabačańni Siarhiej Łazaraŭ. «Hety «niečałaviek» jašče pry vykanańni! Chaciełasia b pabačyć jaho tvar. Stydoba! Hańba», — napisaŭ Łazaraŭ.

U Biełarusi byŭ padobny vypadak. U lipieni 2005 hoda padčas akcyi pamiaci Źmitra Zavadskaha na Kastryčnickaj płoščy amapaviec udaryŭ pa tvary ŭdavu Zavadskaha Śviatłanu.

U adzin z momantaŭ Śviatłana skazała: «Što b vy rabili, kali b u vas žonka prapała?» U hety momant siłavik udaryŭ žančynu. U aficyjnym kamientary MUS tady zajaviła, što Zavadskaja sama źbiła supracoŭnika AMAPa. Hienieralnaja prakuratura taksama nie znajšła składu złačynstva ŭ dziejańniach milicyjanta.

• 0
• 0
• 0
• 0
• 0
• 0
• 0
• 0