Miedyčnamu rabotniku, jaki admoviŭsia zrabić ahlad Źmitra Chviedruka praź biełaruskuju movu, prapanavali napisać rapart ab zvalnieńni.
Vypadak, jaki adbyŭsia ŭčora ŭ vajskovaj častcy 18662, dzie słužyć Źmicier Chviedaruk, atrymaŭ šyroki rozhałas.
5 lutaha miedyčny rabotnik častki major Uładzimir Kisiel admoviŭsia zrabić ahlad siabru «Maładoha frontu» Źmitru Chviedaruku. U vulharnaj formie jon paraiŭ chłopcu «nie vy…cca», paabiacaŭšy jaho pryniać tolki paśla taho, jak Źmicier piarojdzie na rasijskuju movu.Taksama Kisiel paprasiŭ inšych pryzyŭnikoŭ pryvučyć Chviedaruka, kab toj zrazumieŭ pra nastupstvy jahonaha karystańnia biełaruskaj movaj.
Hety incydent vyjšaŭ za miežy vajskovaj častki i byŭ šyroka rastyražavany ŚMI.
Pa‑našaj infarmacyi ŭžo na nastupny dzień majoru Kisialu dali nahaniaj pa poŭnaj prahramie.
Kamandzir častki pakazvaŭ miedrabotniku Kanstytucyju i tłumačyŭ, što biełaruskaja mova źjaŭlajecca pieršaj dziaržaŭnaj u krainie i joj nielha hrebavać.
Nampalit častki taksama padychodziŭ da Źmitra Chviedaruka i paprasiŭ jaho ŭ budučyni nie maŭčać pra padobnyja vypadki, a raskazvać.
Pavodle infarmacyi NN z krynicaŭ u častcy, majoru Kisialu prapanavali napisać rapart ab zvalnieńni.
Nahadajem, što zaŭtra Źmicier Chviedaruk, jak i Ivan Šyła, i Franak Viačorka prymuć prysiahu. Troch lideraŭ moładzi zabrali ŭ vojska sinchronna. Na dumku pravaabaroncaŭ i samich junakoŭ, heta było zroblena, kab izalavać ich ad hramadstva.
Ciapier čytajuć
«Źnik bieź źviestak» vielmi małady biełaruski najomnik5
«Źnik bieź źviestak» vielmi małady biełaruski najomnik
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary