Медычнаму работніку, які адмовіўся зрабіць агляд Змітра Хведрука праз беларускую мову, прапанавалі напісаць рапарт аб звальненні.
Выпадак, які адбыўся ўчора ў вайсковай частцы 18662, дзе служыць Зміцер Хведарук, атрымаў шырокі розгалас.
5 лютага медычны работнік часткі маёр Уладзімір Кісель адмовіўся зрабіць агляд сябру «Маладога фронту» Змітру Хведаруку. У вульгарнай форме ён параіў хлопцу «не вы…цца», паабяцаўшы яго прыняць толькі пасля таго, як Зміцер пяройдзе на расійскую мову.Таксама Кісель папрасіў іншых прызыўнікоў прывучыць Хведарука, каб той зразумеў пра наступствы ягонага карыстання беларускай мовай.
Гэты інцыдэнт выйшаў за межы вайсковай часткі і быў шырока растыражаваны СМІ.
Па‑нашай інфармацыі ўжо на наступны дзень маёру Кісялю далі наганяй па поўнай праграме.
Камандзір часткі паказваў медработніку Канстытуцыю і тлумачыў, што беларуская мова з’яўляецца першай дзяржаўнай у краіне і ёй нельга грэбаваць.
Нампаліт часткі таксама падыходзіў да Змітра Хведарука і папрасіў яго ў будучыні не маўчаць пра падобныя выпадкі, а расказваць.
Паводле інфармацыі НН з крыніцаў у частцы, маёру Кісялю прапанавалі напісаць рапарт аб звальненні.
Нагадаем, што заўтра Зміцер Хведарук, як і Іван Шыла, і Франак Вячорка прымуць прысягу. Трох лідэраў моладзі забралі ў войска сінхронна. На думку праваабаронцаў і саміх юнакоў, гэта было зроблена, каб ізаляваць іх ад грамадства.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары