Sudździ Centralnaha sudu Minsku Valery Jeśman i Taciana Paŭlučuk praciahvajuć zajmać svaje pasady
Sudździ Centralnaha sudu Minsku Valery Jeśman i Taciana Paŭlučuk praciahvajuć zajmać svaje pasady, paviedamiŭ u sieradu staršynia Viarchoŭnaha sudu Valancin Sukała. Źniataja była tolki Alena Iljina.
Nahadajem, što ŭsie sudździ byli nazvanyja padčas antykarupcyjnaha dakładu Alaksandra Łukašenki ŭ listapadzie. Sudździ Jeśman, Paŭlučuk i Iljina pad ciskam tahačasnaha prakurora Minskaj vobłaści Michaiła Śniehira prymali rašeńnie na jahonuju karyść. Łukašenka asabista davaŭ zahad ab zvalnieńni traich słužak Fiemidy, adnak u adstaŭcy pakul tolki adna Iljina.
«Pa Paŭlučuk i Jeśmanu kančatkovaje rašeńnie jašče nie pryniataje. Jaho prymie asabista kiraŭnik krainy», — zajaviŭ V.Sukała.
Uvohule ž, za 2008 hod u krainie było źniata z pracy čatyry sudździ. Adnaho ź ich abvinavacili ŭ niezakonnym zachoŭvańni zbroi i palavańni bieź licenzii. Taksama rychtujecca ekstradycyja z Polščy ŭ Biełaruś byłoha staršyni sudu adnaho z rajonaŭ Mahiloŭščyny, jakoha abvinavačvajuć u chabarnictvie. (Havorka pra byłoha staršyniu Klimavickaha sudu sp.Ciškina).
Pa słovach Valancina Sukały, letaś dźvie treci sudździaŭ adpracavali biez pamyłak.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary