Pieršy vice-premjer vykazaŭ niezadavalnieńnie rasijskimi sietkami «Śviatłafor» i «Dabracen»
Ułady Biełarusi chočuć adrehulavać praviły kankurencyi ŭsich handlovych sietak, kab «tut nie było błytaniny». Pra heta zajaviŭ pieršy vice-premjer Dźmitryj Kruty na kalehii Ministerstva antymanapolnaha rehulavańnia i handlu (MARH), piša Tut.by
Pa słovach Krutoha, u biełaruskich udzielnikaŭ rynka ŭźnikajuć całkam abhruntavanyja skarhi ab niadobrasumlennaj kankurencyi z boku rasijskich kramaŭ nizkich cen «Śviatłafor» i «Dabracen».
— Ja pahutaryŭ z rasijskimi kalehami i jany taksama skazali, što pavodziny padobnych subjektaŭ handlu vyklikajuć vielizarnuju kolkaść skarhaŭ, — skazaŭ jon.
Pieršy vice-premjer daručyli Ministerstvu antymanapolnaha rehulavańnia i handlu razabracca ŭ situacyi, choć «MARH, viadoma, užo pryniaŭ peŭnyja kroki».
— Dumaju, u ramkach prahramnych dakumientaŭ, jakija ciapier pišam (u pryvatnaści, heta prahrama raźvićcia krainy da 2025 hoda, prahrama kankurencyi, antyinflacyjnyja prahrama), my pavinny ŭsiamu rynku abviaścić zrazumiełyja instrumienty i miechanizmy kankurencyi ŭ peŭnych siehmientach, — skazaŭ Kruty. — Jak kramy adkryvajucca, jak jany funkcyjanujuć, chto ich praviaraje, na jakich padstavach ich možna začyniać. Kab błytaniny ŭ hetym płanie nie było. Tamu što heta vyklikaje niezadavolenaść nie tolki ŭ subjektaŭ handlu, ale i ŭ hramadzian, jakija atrymlivajuć tavary niezrazumiełaj jakaści pa niezrazumiełaj canie.
Sietka «Śviatłafor» pracuje ŭ Biełarusi z 2017 hoda i abjadnoŭvaje 45 kramaŭ va ŭsich abłaściach. «Dabracen» vyjšaŭ na biełaruski rynak u kastryčniku 2019 hoda. U płanach na 2020 hod było adkryćcio da 10 kramaŭ.
Ciapier čytajuć
Udava Mikity Miełkaziorava ŭpieršyniu publična raskazała pra noč jaho śmierci6
Udava Mikity Miełkaziorava ŭpieršyniu publična raskazała pra noč jaho śmierci
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary