Šrajbman nazvaŭ samaha mocnaha apazicyjnaha palityka ŭ Biełarusi

— Jak ty ličyš, chto siońnia samy mocny apazicyjny palityk?

— Heta vielmi składanaje pytańnie. Ja dumaju, pa patencyjale — Źmicier Daškievič, a z tych, chto siońnia pretenduje na adzinaha kandydata, badaj što, Pavieł Sieviaryniec (pry ŭsim maim roznahałośsi ź im i dystancyi, jakaja jość u nas ź im pa pohladach). Voś, mabyć, tak.

— Chto, kali nie Łukašenka?

— Dziasiatki čałaviek zdolnyja vykonvać hetuju rabotu prosta zaraz.

— Ty dumaješ, heta budzie chtości z praŭładnaha błoka?

— Tak, kaniečnie! Biełaruś nie taja kraina i sistema, dzie ŭ apazicyi jość šaniec chutka ŭ vypadku niejkaj turbulentnaści ŭkaranicca va ŭładnyja instytuty, pierachapić uładu: dla hetaha jana musić być inkarparavanaja zahadzia.

Kali pahladzieć na ŭsich revalucyjnych lidaraŭ (ja ŭžo nie kažu, kali tranzit prachodzić sam pa sabie): Hruzija, Ukraina i ŭsie astatnija — zaŭsiody va ŭładu prychodzili byłyja. Juščanka — były čynoŭnik pry Kučmie, Saakašvili i Burdžanadze byli čynoŭnikami pry Ševarnadze. Heta ŭsio čynoŭniki byłoj ułady. Tamu i našyja apazicyjaniery pavinny być ukaranionyja zahadzia, ja nie baču takoj situacyi ŭ Biełarusi, kab ułada padpuściła apazicyju tak blizka — da pasady ministraŭ, premjer-ministraŭ.

Tamu, chutčej za ŭsio, na 95% heta budzie nabližany da Łukašenki čałaviek, jakoha jon sam padbiare, abo ŭ vypadku spantannaha tranzitu, što ja nazyvaju (taki eŭfiemizm dla słova «śmierć» ci fizičnaj niazdolnaści vykonvać svaje abaviazki), heta ŭsio roŭna budzie kansensus elit, staŭlenik kirujučych elit.

Pakolki my ŭžo padychodzim da vosieni hetaha aŭtarytarnaha režymu — my ŭžo ŭ joj nasamreč — treba pryhladacca da ludziej na druhich pazicyjach. Jakimi b šerymi, nievyraznymi, niazdolnymi, biezynicyjatyŭnymi jany nam ni padavalisia, ź ich budzie nabiracca nastupnaja kirujučaja elita. Kaliści i Pucin byŭ šeraj namienkłaturnaj myššu, paśla jon vyras u adnaho z samych efiektyŭnych aŭtakrataŭ śvietu. Tamu nie treba śpisvać z rachunkaŭ navat tych, chto siońnia nam zdajecca niazdolnym kiravać krainaj. Jość taki vyraz: maska pryrastaje da tvaru. Pabudzieš prezidentam z takimi paŭnamoctvami paru hod — charyzma naraście. 

Vypusk całkam: 

• 0:35 — kali sutykaŭsia z antysiemityzmam,
• 2:54 — što padabajecca i nie padabajecca ŭ Izraili,
• 5:36 — ci adčuvaje siabie biełaruskim patryjotam,
• 5:48 — pra panty na fakultecie mižnarodnych adnosin BDU,
• 8:55 — hałoŭnaja prablema biełaruskaj adukacyi,
• 11:26 — čamu spačatku nie ŭziali na Tut.by,
• 13:25 — chto navučyŭ žurnalistycy,
• 15:05 — samacenzura,
• 16:57 — čamu nie pisaŭ pra fienomien Koli Łukašenki, 
• 17:28 — čamu nie zakranaje temu žančyn u asiarodździ Łukašenki, 
• 18:59 — jak vierbavali ŭ KDB, 
• 20:30 — jak rabić palityčnuju analityku bieź insajdaŭ, 
• 23:47 — palityčnaja situacyja ŭ Biełarusi, 
• 27:59 — ci varta čakać bolš žorstkaha dziaržaŭnaha kiravańnia, 
• 29:22 — čamu chodzić na vybary i za kaho hałasavaŭ u 2010-m, 
• 33:04 — jak stavicca da Moładzievaha błoka, 
• 35:21 — što moža razvarušyć biełaruskuju apazicyju, 
• 36:58 — chto samy mocny biełaruski apazicyjny palityk, 
• 37:27 — chto, kali nie Łukašenka, 
• 39:55 — kali i jak sydzie Łukašenka, 
• 41:39 — ci źmienicca štości ŭ palityčnym płanie ŭ bližejšyja piać hod, 
• 42:20 — ci stanie žančyna prezidentam Biełarusi, 
• 43:28 — ci majuć Natalla Kačanava i Natalla Ejsmant palityčnuju moc, 
• 45:18 — pra pieršy šlub, 
• 48:13 — jakija žančyny padabajucca, 
• 49:01 — što dumaje pra fieministak i ci sam fieminist.

• 0
• 0
• 0
• 0
• 0
• 0