4 červienia pretendent na pasadu prezidenta Viktar Babaryka sustreŭsia z udzielnikami svajoj inicyjatyŭnaj hrupy ŭ Viciebsku. Adno z pytańniaŭ datyčyła «ludziej u pahonach».
«Dobry viečar, mianie zavuć Pavieł, ja siabra inicyjatyŭnaj hrupy. Viktar Dźmitryjevič, adkažycie, kali łaska, na takoje pytańnie: jak vy staviciesia da ludziej u pahonach? Tamu što ja sam aficer zapasu».
«Ludzi ŭ pahonach, — adkazaŭ Babaryka, — heta ludzi, jakija majuć, u adroźnieńnie ad mnohich u nas, paniaćcie aficerskaha honaru. Taja źniavaha, jakuju ciapier adčuvajuć aficery ad ułady, — tyckańnie, hienierały bajacca vočy padniać ad stała… Jak jany mohuć hladzieć u vočy vorahu abo ŭ vočy svajoj siamji paśla hetaha? Tamu, ja liču, [patrebna] stvareńnie ŭmoŭ, pry jakich aficer dakładna razumieje, što jość prafiesija — abaraniać radzimu. Prafiesija abaraniać radzimu — vartaja, prafiesija abaraniać ludziej — hodnaja. I tamu treba adnavić paniaćcie aficerskaha honaru, pavahi da hetaj prafiesii i [treba,] kab aficery našy z honaram hladzieli na śviet i horda hladzieli ŭ vočy svaim dzieciam», — skazaŭ Viktar Babaryka.
Videa možna pabačyć tut:
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary