Z pryčyny pracoŭnaj kamandziroŭki ŭ Homielskuju vobłaść 7 krasavika Alaksandra Łukašenki ŭ Śvietłahorsku milicyi zahadali zdać słužbovuju zbroju, a na miescy pryziamleńnia demantavali elektryčnyja słupy.
Z pryčyny pracoŭnaj kamandziroŭki ŭ Homielskuju vobłaść 7 krasavika Alaksandra Łukašenki ŭ Śvietłahorsku milicyi zahadali zdać słužbovuju zbroju, a na miescy pryziamleńnia demantavali elektryčnyja słupy.
Častku elektryčnych słupoŭ kala aŭtazapravačnaj stancyi, što pobač ź vioskaj Čyrkavičy na darozie Babrujsk‑Śvietłahorsk, źniali, kab viertalotu biełaruskaha kiraŭnika było zručna pryziamlicca la AZS, piša staronka Regionby.org.
Choć litaralna nasuprać znachodzicca pole byłoha spartyŭnaha aeradromu. Što praŭda, asfaltu tudy niama.
Ranicoj rabotnikaŭ małočnaha zavodu ŭ pasiołku Miadkoŭ, jaki znachodzicca pamiž Čyrkavičami i Śvietłahorskam, vyvieli ŭ biełych chałatach źbirać śmiećcie ŭzdož darohi.
U horadzie dla pryborki śmiećcia la pramysłovaj zony zadziejničali navučencaŭ.
Udzień na doŭhi čas byŭ zakryty ŭjezd u horad z šašy, pa jakoj prajazdžaŭ Łukašenka, a taksama źmienšany aŭtobusny ruch ź miascovaj aŭtastancyi.
Alaksandar Łukašenka pabyvaŭ na vytvorčym abjadnańni «Chimvałakno», jakoje ŭvachodzić u kancern «Biełnaftachim».
Pa słovach adnaho z rabotnikaŭ upraŭleńnia pradpryjemstva, apošnija hady jano pracuje faktyčna z nulavym prybytkam.
«Kali b nie datacyi za košt naftapierapracoŭčych zavodaŭ, našaje pradpryjemstva lasnuła b», – ličyć śpiecyjalist.
Pavodle paviedamleńnia aficyjnych krynic, metaj naviedvańnia «Chimvałakna» było «aznajomleńnie z rabotaj pramysłovaha kompleksu ŭ sučasnych umovach».
Kiraŭnika dziaržavy supravadžała vializarnaja achova.
Jość infarmacyja, što na čas pryjezdu Alaksandra Łukašenki miascovaj milicyi zahadali zdać słužbovuju zbroju, pakinuŭšy jaje tolki minimalnamu sastavu dziažurnych supracoŭnikaŭ.
U suviazi z hetym tutejšyja ludzi ŭzhadvajuć, što ŭ Śvietłahorskim RAUS pačynaŭ słužbu śledčy Juryj Zacharanka, uradženiec susiedniaha Rečyckaha rajonu i eks‑ministr unutranych spraŭ, jaki źnik pry zahadkavych abstavinach.
Kamientary