Futboł paralelna z vybarčymi mitynhami. Cikavostki 20 tura vyšejšaj lihi
U Biełarusi prosta ciapier idzie haračaja palityčnaja baraćba. Ale heta nie nahoda nie sačyć za ajčynnym futbołam, tym bolš čempijanat nie spyniajecca. Nas čakajuć matčy 20 tura.
«Naša Niva» i Bukmiekierskaja kantora Leon praciahvajuć sačyć za futbolnym pieršynstvom.
Pieršy matč paśla karancinu vyjšaŭ niaŭdačnym dla bresckaha «Dynama». Čempijony nie paśpieli paśla vymušanaha prastoju nabrać naležnuju formu i prajhrali, daŭšy «Isłačy» mahčymaść pierarvać sieryju z troch paraz i piersanalna Mikałaju Janušu pieraadoleć rysu ŭ 100 zabitych miačoŭ u čempijanacie Biełarusi i pajści na druhuju sotniu.
Z astatnich matčaŭ varta adznačyć čarhovy epičny kambek «Słavii» i razhromy ad lidaraŭ. Mazyrčuki prajhravali «Ruchu» ź likam 1:3 jašče na 87-j chvilinie, ale zmahli adhulacca i vyrvać ničyju, znoŭ pakazaŭšy svoj charaktar.
BATE paśla niaŭdałaj sieryi štampuje razhrom za razhromam. Paśla «Ruchu» pad katok barysaŭcaŭ trapiŭ «Minsk» — lik 6:0. Za «žoŭta-sinimi» imknucca nie adstavać i salihorcy — «Šachcior» abhulaŭ «Smalavičy» ź likam 4:0.
Dziorzki «Enierhietyk-BDU» znachodzicca ŭ hłybokim pikie: try parazy zapar z ahulnym likam 3:14 i bolš ni słova pra miedali. Kamandu pakinuŭ i trenier Arciom Radźkoŭ, ale dzie jon praciahnie karjeru, nieviadoma.
Voś usie vyniki matčaŭ minułaha tura:
- «Ruch» — «Słavija» 3:3 (25, Hračycha; 49, Kancavy; 77, Nikifarenka — 69, Narch; 87, Malkievič; 90+5 Ślusar (p))
- «Viciebsk» — «Słuck» 2:0 (19, 75; Dyjeha Santas)
- «Isłač» — «Dynama-Brest» 2:0 (30, 53; Januš)
- «Biełšyna» — «Nioman» 0:1 (29, Kadzimian)
- «Dynama-Minsk» — «Haradzieja» 1:0 (52, Chvaščynski)
- «Enierhietyk-BDU» — «Tarpieda-BiełAZ» 1:4 (31, Hirs — 42, 48 (p) Pramudraŭ; 65, Afanaśjeŭ; 81, Nikałajevič)
- BATE — «Minsk» 6:0 (5, 62, Skavyš; 45, Stasievič; 60, Baha; 78, Drahun; 90+2, Jabłonski)
- «Šachcior» — «Smalavičy» 4:0 (9, Ancič; 61, 70, Jachšybojeŭ; 69, Szokie)
TURNIRNAJA TABLICA
Čym nas paraduje 20 tur?
«Słuck» — «Šachcior»
- 31.07, 18:30. Słuck, stadyjon «Haradski».
- Kaeficyjenty: «Słuck» (pieramoha) — 10.75; ničyja — 5.85; «Šachcior» (pieramoha) — 1.32.
Tur adkryvajecca matčam hieahrafičnych susiedziaŭ, u jakim «Šachcior» budzie imknucca zdabyć revanš za parazu ŭ pieršym kruzie. Tady dziorzki «Słuck» niečakana vyjhraŭ u favaryta, ale praz 15 turaŭ usio na svaich miescach.
«Šachcior» zmahajecca za čempijonstva i abhaniaje słuččakoŭ ažno na 16 turnirnych bałaŭ. «Bieła-sinija» ž u apošnich turach chutčej zmahajucca z unutranymi prablemami, čym z supiernikami.
Prahnoz «NN»: pieramoha «Šachciora».
«Dynama-Brest» — «Viciebsk»
- 31.07, 20:30. DASK «Brescki».
- Kaeficyjenty: «Dynama» (pieramoha) — 1.83; ničyja — 3.75; «Viciebsk» (pieramoha) — 4.85.
Niahledziačy na vyznačanaha, pa viersii bukmiekieraŭ, favaryta, u hetaj hulni zusim nie ŭsio tak adnaznačna. «Viciebsk» u apošnich 12 turach prajhraŭ usiaho adnojčy, a miesiac tamu ŭžo vyjhravaŭ u Breście ŭ «Ruchu».
Nie varta zabyvać i pra vyšej zhadanyja prablemy z kandycyjami ŭ «Dynama», jakimi spakojna mohuć skarystacca viciebčuki.
Prahnoz «NN»: «Viciebsk» nie prajhraje.
«Smalavičy» — «Biełšyna»
Matč aŭtsajdaraŭ čempijanatu, ad hetaha i vielmi cikavy. Maładyja «Smalavičy» nie vytrymali ispytu «Šachcioram», ale «Biełšyna» — daloka nie lidar.
Pra raskłady raśpisvać sensu niama, zirnicie ŭ tablicu — i ŭsio zrazumiejecie. Tolki što pradkazać pieramožcu niemahčyma.
Prahnoz «NN»: totał, bolšy za 2.5.
«Słavija» — «Isłač»
- 01.08, 18:30. Mazyr, stadyjon «Junactva».
- Kaeficyjenty: «Słavija» (pieramoha) — 3.28; ničyja — 3.60; «Isłač» (pieramoha) — 2.29.
«Vaŭki» pieramohaj nad čempijonam pierarvali trochmatčavuju sieryju z parazaŭ. I ŭ adnosna dobrym nastroi adpraŭlajucca na vyjezd u Mazyr.
U «Słavii» ŭsio bolš-mienš składna: kamanda try tury nie prajhraje, u apošnim hieraična ŭ mienšaści vyrvała ničyju. Ci atrymajecca nie prajhrać i «Isłačy», jakaja na papiery vyhladaje favarytam hulni, ale ŭ tablicy ŭsiaho na try punkty apiaredžvaje mazyrčukoŭ.
Prahnoz «NN»: totał, mienšy za 2.5.
«Nioman» — «Dynama-Minsk»
- 01.08, 20:30. Hrodna, CSK «Nioman».
- Kaeficyjenty: «Nioman» (pieramoha) — 2.84; ničyja — 3.42; «Dynama» (pieramoha) — 2.66.
Matč z samaj cikavaj afišaj u tury. Fienamienalny ŭ hetym siezonie «Nioman», jaki nie prapuskaje amal dva miesiacy, prymaje niepradkazalnaje minskaje «Dynama».
Minčuki, darečy, moža, i nie pakazvajuć jarkaj hulni, ale ŭžo čaćviortyja. I lidary tablicy nie tak daloka. Paśla «Niomana» kamanda Kučuka hulaje sa «Smalavičami» i «Słuckam», tamu varta pradkazać źjaŭleńnie novaha pretendenta na miedali ŭ hetym siezonie.
Prahnoz «NN»: totał, mienšy za 2.5.
«Tarpieda-BiełAZ» — BATE
- 02.08, 16:00. Žodzina, stadyjon «Tarpieda».
- Kaeficyjenty: «Tarpieda» (pieramoha) — 5.15; ničyja — 4.30; BATE (pieramoha) — 1.69.
Jašče adzin matč hieahrafičnych susiedziaŭ u tury. Žodzincy nikoli nie vyjhravali ŭ BATE ŭ matčach vyšejšaj lihi. Nivodnaha razu, pačynajučy z 2002 hoda. Try pieramohi nad BATE byli zdabytyja tolki ŭ Barysavie.
U Juryja Puntusa jość šaniec uvajści ŭ historyju, ale, zdajecca, nie na hety raz: BATE siońnia ŭ vielmi dobraj formie.
Prahnoz «NN»: pieramoha BATE.
«Minsk» — «Ruch»
- 02.08, 18:00. Minsk, stadyjon «Traktar».
- Kaeficyjenty: «Minsk» (pieramoha) — 2.91; ničyja — 3.37; «Ruch» (pieramoha) — 2.63.
«Ruch» — adna z najbolš niepradkazalnych kamand čempijanatu. Chiba možna było ŭ pačatku siezona pradkazać dźvie pieramohi nad minskim «Dynama» ci pieramohu ź likam 8:1 nad «Enierhietykam»?
«Minsk» ža, naadvarot, apošnim časam stanovicca ŭsio bolš i bolš pradkazalnym i ad hetaha stanovicca tryvožna za kamandu Razina. Asabliva kali «Smalavičy» zmohuć vyjhrać svaju hulniu.
Prahnoz «NN»: «Ruch» nie prajhraje.
«Haradzieja» — «Enierhietyk-BDU»
- 02.08, 20:00. Stadyjon «Haradzieja».
- Kaeficyjenty: «Haradzieja» (pieramoha) — 3.70; ničyja — 3.55; «Enierhietyk-BDU» (pieramoha) — 2.13.
«Dziakujučy» svaim apošnim vynikam «studenty» apuskajucca ŭsio nižej i nižej u tablicy ŭ zony vysokaj ščylnaści, dzie kožnaja nastupnaja paraza moža adkinuć ciabie jašče nižej.
«Haradziei», jak i «Minsku», treba terminova vypraŭlać situacyju, bo zona stykavych matčaŭ usiaho za adzin bał, a zona vyletu nie tak i daloka taksama. Varta karystacca prablemami «studentaŭ».
Prahnoz «NN»: totał, mienšy za 2.5.
U suviazi z raspaŭsiudam karanavirusa my nie raim vam naviedvać ludnyja mierapryjemstvy, u tym liku futbolnyja matčy. Kali ŭsio ž vyrašycie pajści na stadyjon, prytrymlivajciesia mieraŭ zaściarohi.
Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!
Kamientary