Uładzimir Astapienka, były pasoł Biełarusi ŭ Arhiencinie i pradstaŭnik NAU (Narodnaha antykryzisnaha ŭpraŭleńnia) pa pytańniach supracoŭnictva z Rasijaj, SND, JEAES, ADKB, raspavioŭ ab mižnarodnych adnosinach na fonie sankcyj, piša Tut.by.
— Jość razumieńnie, što najbujniejšyja krainy śvietu — krainy-členy Jeŭrasajuza, ZŠA, Vialikabrytanija, Kanada hatovyja akazać novym uładam Biełarusi pramuju ekanamičnuju dapamohu. Čakajecca, što abjom takoj dapamohi moža skłaści da 5 młrd dalaraŭ, što dazvolić ekanomicy Biełarusi paźbiehnuć defołtu.
Našy partniory zacikaŭleny ŭ tym, kab Biełaruś stanaviłasia aktyŭnym udzielnikam ekanamičnych suviaziaŭ i nadziejnym ekanamičnym partnioram, a nie pieratvarałasia ŭ krynicu rehijanalnaj niestabilnaści abo nielehalnaj mihracyi.
Mahu zapeŭnić, što nijakija kantrakty, jakija iduć na karyść režymu, užo nie realizujucca. Pazicyja demakratyčnaj Jeŭropy adnaznačnaja i zrazumiełaja — ni ab jakim ekanamičnym supracoŭnictvie na dziaržaŭnym uzroŭni havorki być nie moža.
Sankcyi, jakija ŭvodziacca, asabliva ŭ ZŠA, mohuć zakranuć rasijskija kampanii, jakija supracoŭničajuć z režymam. Na fonie reputacyjnych ryzyk supracoŭnictva [ź biahučaj uładaj], mohuć źjavicca i ekanamičnyja, za jakija rasijanam pryjdziecca płacić, — zajaviŭ Astapienka.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary