Kolkaść złačynstvaŭ za pieršyja piać miesiacaŭ hodu skaraciłasia, ale pry hetym raskryvalnaść spraŭ składaje 57%.
Kolkaść złačynstvaŭ za pieršyja piać miesiacaŭ hodu skaraciłasia, ale pry hetym raskryvalnaść spraŭ składaje 57%.
Za pieršyja piać miesiacaŭ hodu zarehistravana 59,4 tys. złačynstvaŭ, zajaviŭ hienprakuror Ryhor Vasilevič u časie onłajn‑kanfierencyi BIEŁTA.
U paraŭnańni z anałahičnym pieryjadam minułaha hodu ahulnaja ich kolkaść skaraciłasia na 11,9%. U tym liku kolkaść asabliva ciažkich i ciažkich złačynstvaŭ skaraciłasia na 14,8%, u tym liku zabojstvaŭ — na 30,6%, ciažkich cialesnych paškodžańniaŭ — na 14%, razbojnych napadaŭ — na 28,9%, rabunkaŭ — na 22,1%, chulihanstvaŭ — na 35,6%, kradziažoŭ — na 13,3%. Pry hetym raskryvalnaść spraŭ składaje 57%. Ciažej za ŭsio z kradziažami — tolki kožny treci vypadak raskryvajecca. Na 1,8% pavialičyłasia kolkaść karupcyjnych złačynstvaŭ — 1594 vypadkaŭ sioleta suprać 1566 złačynstvaŭ za apałahičny pieryjad letaś. U hetaj śfiery palmu pieršynstva trymaje handal — 268 (258) złačynstvy, mienš za ŭsio na transparcie — 71 (30) vypadkaŭ. Adnoj z samych hučnych karupcyjnych spravaŭ hetaha hodu moža stać praces pa spravie byłoha prakurora Minskaj vobłaści Michaiła Śniehira. Hienprakuratura nakiravała ŭ sud kryminalnuju spravu, pavodle niekatorych artykułaŭ Śniehiru pahražaje pazbaŭleńnie voli ad 8 da 15 hadoŭ. Razam ź im pa spravie prachodzić były kiraŭnik AAT «Zabudova» Michaił Kudziełka, jakoha vinavaciać u dačy chabaru Śniehiru. U adnosinach da Kudziełki śledstva taksama skončanaje.
Hienprakuror akazaŭ taksama na šerah pytańniaŭ, što žyva cikaviać ludziej.
Rekanstrukcyja Minsku
«Tut, na maju dumku, najpierš pavinien ździajśniacca nahlad architekturny, aŭtarski. Biezumoŭna, u takich vypadkach vielmi važny zakon ab architekturnaj dziejnaści. Važnyja vielmi mnohija faktary: toje, jak budzie iści rekanstrukcyja, jak paŭpłyvajuć rekanstrujavanyja architekturnyja kanstrukcyi na navakolle, naprykład, łandšaft. Prakuratura vystupaje ŭ pieršuju čarhu za toje, kab vykankamy pracavali pa zabieśpiačeńni zakonnaści va ŭsich nakirunkach. Adno z maich zaŭsiodnych patrabavańniaŭ — kab prakurory patrabavali ad vykankamaŭ naležnaha vykanańnia dziejučaha zakanadaŭstva».
Pra daktyłaskapiju
«U cełym ja liču, što prachodžańnie daktyłaskapii źjaŭlajecca našym hramadzianskim abaviazkam».
Pra raśpićcio piva ŭ hramadskich miescach
«Ja b prapanavaŭ pačać farmavać dobry ŭ sensie hetaha słova kult, kab maładyja ludzi mahli dzieści prysieści, vypić kufal i kab nie było hetaj ciahi błukać vulicach ź plaškaj. Dobry prykład mahli b prademanstravać papularnyja siarod moładzi pradstaŭniki biełaruskaha šou‑biźniesu, jakija svaimi spravami i słovami vychoŭvali kulturu pavodzinaŭ».
Zabaŭlalnyja ŭstanovy ŭ žyłych damach
«Najpierš uładalniku restarana treba ŭvajści ŭ stanovišča taho čałavieka, jaki pryjšoŭ stomleny z pracy i žadaje adpačyć. (…) Pry adkryćci takoha kštałtu ŭstanovaŭ nieabchodna adrazu ŭličvać usie aśpiekty, a budziem namahacca rabić usio mahčymaje ŭ intaresach hramadzianaŭ».
Kamiendanckaja hadzina dla padletkaŭ
«My prapanoŭvali ŭstalavać adkaznaść nie ź niepaŭnaletnich i ich baćkoŭ, a ŭładalnikaŭ roznaha kštałtu ŭstanovaŭ, jakija pavinny zabiaśpiečvać paradak. U pryvatnaści, havorka išła pra handlovyja kropki, jakija pradajuć śpirtnoje, načnyja dyskateki i kłuby. Ich ułaśniki pavinny nieści administracyjnuju adkaznaść za toje, što, što ŭ hetych ustanovach u načny čas znachodziacca niepaŭnaletnija.(…) Liču, što čas znachodžańnia niepaŭnaletnich u adsutnaść baćkoŭ u takich ustanovach možna abmiežavać z 23.00 da 6.00. Naprykład, u miescach, dzie realizujucca ałkaholnyja napoi, piva, dzie prachodziać eratyčnyja šou, a taksama ŭ bukmiejkierskich kantorach, załach hulniavych aŭtamataŭ, tam, dzie prysutničaje pahroza fizičnamu, duchoŭnamu i maralnamu raźvićciu niepaŭnaletniaha.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju1
Kamientary