19 červienia śviatary vizantyjskaha abradu buduć paminać pry vodpuście śviatoha apostała Judu, svajaka Haspodniaha.
Dzień apostała Judy nikoli nie byŭ śviatočnym dniom u artadaksalnych chryścijanaŭ. A voś u biełaruskich hreka‑katolikaŭ 19 červienia budzie śviata.
U 18 hadzin 30 chvilin u Minsku ŭ Hreka‑katalickim centry ŭ imia śviatoha i praviednaha Jazepa (vuł. Ardžanikidze, 6) budzie adsłužana ŭračystaja Boskaja liturhija.
Čakajecca, što ŭznačalić jaje Apostalski Nuncyj archibiskup Marcin Vidavič.
Nie treba dumać, što dzień śviatoha Judy stanovicca ŭ hreka‑katolikaŭ festam. Uračystaść adbudziecca ź inšaj nahody. U hety dzień roŭna hod tamu kardynał Tarčyzijo Bertone, Dziaržaŭny Sakratar Jaho Śviataści Papy Rymskaha, aśviaciŭ Hreka‑katalicki centr u Minsku i kaplicu Usich Biełaruskich Śviatych u im. Była aśviačana taksama ikona śviatoha i praviednaha Jazepa — patrona parafii.
18 hadoŭ ad času adradžeńnia unijnaha ruchu ŭ Biełarusi vierniki parafii śviatoha Jazepa tulalisia pa «čyrvonych kutkach» ŽESaŭ i padvałach, «kvataravali» ŭ ryma‑katolikaŭ.
Dziakujučy vizitu ŭ Biełaruś vysokadastojnaha vatykanskaha hościa jany atrymali mahčymaść lehalna malicca, vučyć dziaciej i pravodzić kulturna‑aśvietnickija mierapryjemstvy ŭ svaim domie.
U hety dzień u Hreka‑katalicki centr pryjduć vierniki i ź inšych parafijaŭ Minska. Prychadžanie parafii Ikony Maci Božaj Niastomnaj Dapamohi buduć malicca ŭ hety dzień, kab i jany mahli słužyć Boskuju liturhiju ŭ svaim domie ŭ zavułku Śniežnym, bo voś kolki ŭžo hod staić hety dom, a ŭłady Frunzienskaha rajona Minska nie dazvalajuć vykarystoŭvać jaho ŭ relihijnych metach. A ŭsie razam minskija unijaty buduć malicca, kab narešcie im było dazvolena pabudavać u stalicy svaju carkvu.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary