U parłamiencie Čechii zapatrabavali kampiensacyju z Rasii za vybuch na składzie bojeprypasaŭ
Deputaty nižniaj pałaty parłamienta Čechii pryniali pastanovu z zaklikam da ŭrada zapatrabavać ad Rasiei vypłacić kampiensacyju za škodu paśla vybuchu ŭ Vrbiecicy 2014 hoda, paviedamlaje RBK.
Akramia taho, u pastanovie havorycca, što Rasija pavinna panieści adkaznaść «za napad na skład bojeprypasaŭ».
Taksama bolšaść deputataŭ trymajucca dumki, što ŭrad nie pavinien dazvalać rasiejskim kampanijam udzielničać u płanavanym budaŭnictvie atamnaj elektrastancyi abo inšych elemientaŭ infrastruktury krainy.
Niadaŭna ŭłady Čechii vysłali z krainy 18 rasijskich dypłamataŭ. Ministr zamiežnych spraŭ Jan Hamačak zajaviŭ, što jany byli identyfikavanyja jak supracoŭniki HRU (ciapier Hałoŭnaje ŭpraŭleńnie Hienieralnaha štaba Uzbrojenych sił Rasii) i Słužby źniešniaj vyviedki (SVR).
Pavodle źviestak češskich uładaŭ, vysyłka adbyłasia paśla taho, jak było vyśvietlena, što rasiejskija śpiecsłužby datyčnyja da vybuchu na składzie bojeprypasaŭ u vioscy Vrbiecice ŭ 2014 hodzie. Jak zajaviŭ premjer-ministr Čechii Andrej Babiš, jość padstavy mierkavać, što da vybuchaŭ datyčnyja supracoŭniki HRU.
U Maskvie ŭ adkaz vyrašyli vysłać z Rasii 20 češskich dypłamataŭ.
Vybuchi ŭ Vrbiecicy adbylisia 16 kastryčnika 2014 hoda. Tady vybuchnuli bojeprypasy, jakija zachoŭvalisia na dvuch składach, arandavanych kampanijaj Imex Group. U vyniku vybuchaŭ zahinuli dva čałavieki.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary