U Łatvii znajšli pareštki najdaŭniejšaj achviary čumy ŭ śviecie
Heta staražytny palaŭničy z poŭnačy krainy.
U Łatvii znajšli pareštki čałavieka, jaki pamior bolš za 5 tys. hadoŭ tamu ad čumy, piša RBK sa spasyłkaj na navukovy časopis Cell Reports.
Vyjava: Cell Reports
Ekśpierty praanalizavali pareštki čatyroch čałaviek, znojdzienyja padčas dvuch raskopak, adny ź jakich praviali ŭ XIX stahodździ, a druhija — niekalki hadoŭ tamu. Kamanda navukoŭcaŭ pravieryła ich hienietyčny materyjał na najaŭnaść prykmiet viadomych patahienaŭ, u tym liku čumnoj pałački — bakteryi, jakaja vyklikaje čumu. Jaje ślady znajšli ŭ probach adnaho z mužčyn va ŭzroście ad 20 da 30 hadoŭ, na dumku śpiecyjalistaŭ, jon moh być palaŭničym-źbiralnikam.
«Na siońnia [heta] samaja staraja viadomaja achviara čumy», — skazaŭ prafiesar Ben Kraŭze-Kijora, suaŭtar daśledavańnia ŭ Kilskim univiersitecie imia Kryścijana Albrechta, Hiermanija.
Dalejšy analiz pakazaŭ, što vyjaŭleny štam, vierahodna, adździaliŭsia ad usich inšych formaŭ čumnoj pałački kala 7 tys. hadoŭ tamu, što robić jaho samym rańnim viadomym štamam čumy. Daśledčyki dadali, što ŭ štama adsutničaje hien, jaki dazvalaŭ błycham raspaŭsiudžvać čumu ŭ siarednija viaki. U mužčyny mahła być sieptyčnaja čuma — infiekcyja kryvi, vyklikanaja ŭkusam hryzuna abo lohačnaj čumoj.
Atrymanyja źviestki pakazvajuć, što palaŭničy moh niejki čas žyć z čumoj i, takim čynam, chvaroba mahła być lohkaj. Jak ličać daśledčyki, rannija formy čumy mahli nie vyklikać vialikich vybuchaŭ zaražeńnia.
«Kali ty nie ŭ hetym śpisie, to budzieš u druhim». Jak u Biełarusi źbirajuć podpisy za Łukašenku22
Kamientary