Novaja trasa źviaža stalicy ŭ abychod prarasijskaha Prydniastroŭja.
Ab budaŭnictvie sučasnaj mahistrali, jakaja złučyć Kijeŭ i Kišynioŭ prezidenty Małdovy i Ukrainy damovilisia ŭ studzieni hetaha hoda padčas vizitu Mai Sandu ŭ Kijeŭ.
«U nas jość ambicyjnaja ideja — budaŭnictva sučasnaj mahistrali, jakaja złučyć Kijeŭ i Kišynioŭ. Z hetaj metaj my abmierkavali budaŭnictva pamiežnaha pierachoda praz raku Dniestr. Heta skarocić padarožža pamiž stalicami našych dziaržaŭ da piaci hadzin», — skazaŭ tady prezident Ukrainy Uładzimir Zialenski.
Budaŭnictva pačałosia 12 lipienia.
Dla mahistrali pastaviać novy 641-mietrovy most cieraz Dniestr kala horada Jampal va Ukrainie z bolš jak 5-kiłamietrovymi padjezdami da jaho. Most paŭstanie koštam ukrainskaha boku.
Realizacyja prajekta pačałasia paśla razhromnaj pieramohi prajeŭrapiejskaj Partyi dziejańnia i salidarnaści (PDS) u Małdovie na lipieńskich vybarach. PDS nabrała 52 pracenty hałasoŭ, tady jak prarasijski aljans sacyjalistaŭ i kamunistaŭ — tolki 27 pracentaŭ.
I Ukraina, i Małdova trymajucca kursu na jeŭraintehracyju i majuć pieršyja ekanamičnyja pośpiechi paśla taho, jak dla ich adkrylisia jeŭrapiejskija rynki. U hetym hodzie siaredni zarobak u abiedźviuch krainach pieravysiŭ ekvivalent 500 dalaraŭ.
Kamientary