«Mnie ich hnieŭ da adnaho miesca». Źjavilisia novyja źlivy prasłuški siłavikoŭ
Abjadnańnie byłych siłavikoŭ, jakija asudzili hvałt i vystupajuć za pieramieny, śćviardžajuć, što majuć vialiki masiŭ danych prasłuški biełaruskich pravaachoŭnikaŭ. Jany zapeŭnivajuć: prasłuchoŭvajuć kožnaha, ad vyšejšych čynoŭ da šarahovych milicyjantaŭ.
U jakaści dokazaŭ eks-siłaviki vykłali siem karotkich aŭdyjazapisaŭ. Heta sazvon kamandzira AMAPa Bałaby ź ministram Kubrakovym, razmova kapitana milicyi i śledčaha z Homiela, načalnika 3-ha ŭpraŭleńnia HUBAZiK Michaiła Biedunkieviča i namieśnika načalnika kryminalnaj milicyi Mienskaj vobłaści Ihara Kačałava i šerah inšych.
Najcikaviejšy zapis pad numaram šeść. Na im, jak śćviardžajecca, razmaŭlajuć načalnik mižnarodna-pravavoha ŭpraŭleńnia Hienprakuratury Aleh Chłyščanka i pradstaŭnik biuro Interpała ŭ Biełarusi Alaksandr Piatran.
Pradstaŭnik prakuratury cikavicca, ci nakiravali ŭ Interpał materyjały na Dyleŭskaha (vidać, havorka idzie pra lidara strajkama MTZ Siarhieja Dyleŭskaha). Na što Piatran adkazvaje, što Interpał admaŭlaje: «Jany dakumient dasłali, kab my skančvali im voś heta voś chieračyć z adnatypnaj fabułaj» zapyty iduć «z adnatypnaj fabułaj» (pa palityčnych spravach siłaviki časta ničoha novaha nie vydumyvajuć, a prosta kapirujuć farmuloŭki z adnoj spravy ŭ druhuju). Piatran kaža, što z takoj fabułaj budzie «čałaviek, napeŭna, tysiača», a ŭ ich i tak prablema, što Interpał admaŭlaje ŭ vyšuku.
«Adno pytańnie, kali pašle Interpał nas z vami, a inšaja sprava kali naša dziaržava nas pašle, — kaža na toje pradstaŭnik Hienprakuratury, a nakont reakcyi Interpoła ŭdakładniaje: — Mnie ich hnieŭ da adnaho miesca».
Zapisy atrymała hrupa, jakaja nazyvaje siabie «kibierpartyzanami». Jany śćviardžajuć, što taksama ŭzłamali pašpartnuju bazu ź piersanalnymi danymi ŭsich hramadzian Biełarusi, bazu DAI, bazu «Biesparadki» (z danymi pa zatrymanych pa «narodnym» artykule 23.34), danyja sa špitala MUS, bazu hałoŭnaha ŭpraŭleńnia kadraŭ MUS.
Siłaviki i dziaržaŭnyja ŚMI nijak nie kamientujuć situacyju, danych pra toje, što suprać «kibierpartyzanaŭ» zaviedziena kryminalnaja sprava, pakul niama.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary