Pavodle jaho słoŭ, śpiecyjalisty Rasspažyŭnahlada ŭziali proby biełaruskaj pradukcyi ŭ maskoŭskich handlovych sietkach.
Hałoŭny dziaržaŭny sanitarny ŭrač Rasii Hienadź Aniščanka abvinavaciŭ šerah biełaruskich vytvorcaŭ u nievykanańni rasijskich standartaŭ jakaści małočnaj pradukcyi.
«Praviedzieny manitorynh małočnych praduktaŭ vytvorčaści Biełarusi ŭ handlovych sietkach RF pakazvaje, što niaredka heta pradukcyja nie adpaviadaje patrabavańniam techničnaha rehłamientu pa jakaści», — zajaviŭ Aniščanka RIA Novosti 16 lipienia. Pavodle jaho słoŭ, u pryvatnaści, śpiecyjalisty Rasspažyŭnahlada ŭziali proby biełaruskaj pradukcyi ŭ maskoŭskich handlovych sietkach.
«Z 27 probaŭ AAT «Savuškin pradukt» 17 nie adpaviadali patrabavańniam, u tym liku dzieviać pa mikrabijałahičnych pakazčykach i dziesiać — pa fizika‑chimičnych.
U niekatorych probach była vyjaŭlena nieadpaviednaść pa abodvuch paramietrach, — cytuje rasijskaje ahienctva kiraŭnika Rasspažyŭnahlada. — Havorka idzie pra tvaroh «Viaskovy» 9%, tvaroh 10‑pracentnaj tłustaści i tvaroh ziarnisty 5‑pracentnaj tłustaści. U praduktach vyjaŭleny niebiaśpiečnyja bakteryi anaerobnaj hrupy, a taksama ćvil».
Aniščanka zaŭvažyŭ, što taksama nie vykanany patrabavańni techrehłamientu da ŭpakoŭki i markiroŭki takoj pradukcyi: adsutničaje infarmacyja pra najmieńni fruktovych napaŭnialnikaŭ, nie ŭkazana firma‑dystrybjuter na terytoryi RF, kudy moža źviarnucca spažyviec.
«Raspačata 16 administracyjnych spraŭ, usie pradukty vyklučanyja ź sietki, nakładzienyja štrafy», — paviedamiŭ kiraŭnik Rasspažyŭnahlada.
Jak paviedamlałasia raniej, u pačatku červienia Rasspažyŭnahlad uvioŭ abmiežavańni na ŭvoz bolš jak 1,4 tysiačy najmieńniaŭ biełaruskich małočnych praduktaŭ z‑za parušeńniaŭ patrabavańniaŭ rasijskaha techrehłamientu.
17 červienia «małočnuju prablemu» Rasii i Biełarusi ŭdałosia ŭrehulavać. Paśla pieramoŭ byŭ uviedzieny pierachodny pieryjad da kanca lipienia, na praciahu jakoha biełaruskaja pradukcyja pa ŭzhodnienych z Rasspažyŭnahladam śpisam moža pastaŭlacca ŭ RF pa starych dazvołach.
Razam z tym, abaviazkovaj umovaj padpisanaha pratakoła było abaviazacielstva biełaruskaha boku pryvieści sanepidzaklučeńni na pradukcyju ŭ adpaviednaść z rasijskim techrehłamientam da 1 žniŭnia. Dla hetaha vytvorcy i pastaŭščyki pavinny nakiravać uzory pradukcyi ŭ akredytavanyja Rasspažyŭnahladam łabaratoryi.
Aniščanka zaznačyŭ, što da 1 žniŭnia Biełaruś nie paśpieje vykanać usie patrabavańni małočnaha techrehłamientu
Kamientary