Były prezident Hruzii i kiraŭnik vykanaŭčaha kamiteta Nacyjanalnaj rady reformaŭ Ukrainy Michaił Saakašvili paśla zatrymańnia na radzimie abviaściŭ haładoŭku. Pra heta paviedamiła Hruzinski ambudsmien Nino Łamdžaryja, jakaja naviedała palityka ŭ kałonii Rustavi, paviedamlaje «Rustavi 2».
«Saakašvili zajaviŭ, što abjaŭlaje haładoŭku i, jak hramadzianin Ukrainy, prosić ab sustrečy z ukrainskim konsułam», — udakładniła jana.
Łamdžaryja adznačyła, što pierad ich razmovaj palityka ahladali daktary. Saakašvili, pa jaje słovach, raspavioŭ, što pry zatrymańni nie supraciŭlaŭsia, tamu da jaho nie ŭžyvali siłu.
Eks-prezidenta zatrymali 1 kastryčnika. Jon viarnuŭsia na radzimu ŭpieršyniu za vosiem hadoŭ — napiaredadni municypalnych vybaraŭ. Pierad zatrymańniem palityk paśpieŭ zapisać videa, u jakim zaklikaŭ hruzin iści hałasavać.
Suprać Saakašvili ŭ Hruzii raniej byli zaviedzienyja čatyry kryminalnyja spravy, pa dźviuch palityka ŭžo zavočna pryznali vinavatym. Paśla zatrymańnia suprać jaho zaviali piatuju kryminalnuju spravu — ab niezakonnym pierasiačeńni miažy. MUS Hruzii paviedamiŭ, što jon nielehalna zajechaŭ u krainu.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary