Былы прэзідэнт Грузіі і кіраўнік выканаўчага камітэта Нацыянальнай рады рэформаў Украіны Міхаіл Саакашвілі пасля затрымання на радзіме абвясціў галадоўку. Пра гэта паведаміла Грузінскі амбудсмен Ніно Ламджарыя, якая наведала палітыка ў калоніі Руставі, паведамляе «Руставі 2».
«Саакашвілі заявіў, што аб'яўляе галадоўку і, як грамадзянін Украіны, просіць аб сустрэчы з украінскім консулам», — удакладніла яна.
Ламджарыя адзначыла, што перад іх размовай палітыка аглядалі дактары. Саакашвілі, па яе словах, распавёў, што пры затрыманні не супраціўляўся, таму да яго не ўжывалі сілу.
Экс-прэзідэнта затрымалі 1 кастрычніка. Ён вярнуўся на радзіму ўпершыню за восем гадоў — напярэдадні муніцыпальных выбараў. Перад затрыманнем палітык паспеў запісаць відэа, у якім заклікаў грузін ісці галасаваць.
Супраць Саакашвілі ў Грузіі раней былі заведзеныя чатыры крымінальныя справы, па дзвюх палітыка ўжо завочна прызналі вінаватым. Пасля затрымання супраць яго завялі пятую крымінальную справу — аб незаконным перасячэнні мяжы. МУС Грузіі паведаміў, што ён нелегальна заехаў у краіну.
Цяпер чытаюць
Ціханоўская: Дзеці не пераехалі ў ЗША, а проста часова будуць з татам дзеля бяспекі42
Каментары