Vierasień pabiŭ rekordy pa kolkaści kinutych i prystrojenych u dobryja ruki žyvioł
Vierasień adznačyŭsia dla «Faŭny horada» samaj vialikaj z pačatku hoda kolkaściu katoŭ i sabak, jakich tudy zdało nasielnictva.
Pra heta Minsk-Navinam paviedamiła dyrektar pradpryjemstva Tamara Carykoŭskaja.
U «Faŭnie horada» miarkujuć, što ŭ kastryčniku siudy taksama pryviazuć niamała «chvastoŭ». Uvosień aktyŭnaść «haspadaroŭ», jakija nasamreč tak i nie zdoleli imi stać, zaŭsiody pavyšajecca: jany imknucca prystroić pierad zimoj niepatrebnych hadavancaŭ. Vybirajuć dla hetaha časam vielmi chitryja sposaby. Rabotniki pradpryjemstva pieryjadyčna znachodziać na parozie pakiety i skrynki z čatyrochnohimi, inšym razam navat upryhožanyja bancikami i cydułkami ab tym, jakaja vydatnaja žyvioła ŭnutry.
— Za vierasień było adłoŭlena 69 katoŭ, a nasielnictva zdało 40 — u razy bolš, čym u papiarednija miesiacy, — pryvodzić danyja T. Carykoŭskaja.
Z sabakami situacyja anałahičnaja: u pieršy miesiac vosieni žychary pakinuli na «Faŭnie horada» 31 sabaku, choć u papiarednija miesiacy takim čynam siudy traplali ad 6 da 16 sabak štomiesiac.
Jość i pazityŭnaja statystyka. U vieraśni z pradpryjemstva ŭ novyja damy abo na pieratrymki źjechali 99 sabak i 117 katoŭ, što taksama pakul rekord hoda.
Pa stanie na 12 kastryčnika ŭ kletkach i valjerach «Faŭny horada» znachodziacca 86 sabak i 36 katoŭ. I im patrebnyja dom i kłapatlivyja haspadary. Žadajučym zabrać z pradpryjemstva puchnataha siabra varta mieć pry sabie pašpart, łancužok dla sabak, pieranosku ci inšy kantejnier dla transparciroŭki katoŭ, kacianiat i ščaniukoŭ.
Na pradpryjemstvie dziejničajuć abmiežavańni pa naviedvańni ŭ suviazi z karanavirusam. Tak, pa čaćviarhach tut sanitarny dzień i naviedvalnikaŭ nie prymajuć. U astatnija dni z 14:00 da 19:00 možna pryjazdžać i zabirać svaich žyvioł, jakija trapili ŭ adłoŭ, z 17:30 da 19:00 — vybirać sabie novaha siabra. Važna pamiatać ab zachavańni masačnaha režymu i sacyjalnaha dystancyjavańnia.
Nahadajem, u «Faŭny horada» jość ułasny Telegram-kanał, dzie publikujuć fatahrafii chatnich žyvioł, jakija pastupajuć tudy, i infarmacyju pra ich. Hety kanał taksama moža być karysny ŭ vybary hadavanca.
«Niepadkupnym» biełaruskim dypłamatam u Małdovie akazaŭsia kadravy supracoŭnik KDB5
Kamientary