Były aryštant, jaki vyzvaliŭsia dniami, raspavioŭ pra žudasnyja ŭmovy ŭtrymańnia ŭ CIP na Akreścina. Jon paviedamiŭ, što ŭ kancy kastryčnika mužčynskaja «palityčnaja» kamiera №13 abviaščała haładoŭku, kab adstajać narmalnyja ŭmovy ŭtrymańnia.
I jany damahlisia hetaha, piša «Viasna naziraje».
U čatyrochmiascovych kamierach utrymlivajucca pryblizna pa 16 čałaviek. Časam u kamieru da «palityčnych» zakidvajuć biazdomnych ludziej, na padłohu vylivajuć chłorku. Pa słovach mužčyny, pieradačy nie dachodzili, a leki stali brać nie ŭsie. U apošni čas pierastali dachodzić askarbinki i hiematahien, a taksama dziahciarnaje myła.
Aryštant raspavioŭ, što kali ŭ kamieru №13 zakinuli biazdomnaha čałavieka, to jany ŭsioj kamieraj z 20 kastryčnika abviaścili haładoŭku i praz dvoje sutak administracyja zdałasia i zabrała biazdomnaha. Pa słovach mužčyny, u siońniašnich umovach haładoŭka ŭ biełaruskich izalatarach — adziny sposab abarony svaich pravoŭ.
Raniej paviedamlałasia pra haładoŭku ŭ žanočaj kamiery na Akreścina.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam25
Kamientary