Paśla adnaŭleńnia bajavych dziejańniaŭ pamiž Iranam i ZŠA sudnachodstva praz Armuzski praliŭ rezka skaraciłasia. Pavodle infarmacyi Bloomberg, 9 lipienia pa asnoŭnym maršrucie amal nie było ruchu — ź Piersidskaha zaliva vychodziŭ tolki adzin supiertankier.
Źnižeńnie aktyŭnaści pačałosia jašče 8 lipienia. Za sutki praz praliŭ u abodvuch kirunkach prajšło kala 20 sudnaŭ, tady jak paśla adnaŭleńnia navihacyi siaredni pakazčyk składaŭ 34 sudny za dzień. Da pačatku kanfliktu praz Armuzski praliŭ štodnia prachodziła kala 135 sudnaŭ.
Niahledziačy na heta, Iran praciahvaje ekspart nafty. Za apošnija sutki piać tankieraŭ vyvieźli kala 11 miljonaŭ baralaŭ nafty. Adnak pakul nieviadoma, ci ŭdasca pradać hetyja abjomy, bo ZŠA admianili časovuju licenziju, jakaja dazvalała pakupku iranskaj nafty, i sankcyi znoŭ dziejničajuć u poŭnym abjomie.
Na fonie padziej cana nafty marki Brent paśla skačka vyšej za 80 dalaraŭ za barel źniziłasia prykładna da 76,8 dalara.
Pavodle acenak analitykaŭ banka ING, da pačatku eskałacyi z krain Piersidskaha zaliva marskim šlacham štodnia ekspartavałasia kala 6—7 miljonaŭ baralaŭ nafty. Dla viartańnia da raniejšych abjomaŭ pastavak ekspart pavinien vyraści prykładna da 14 miljonaŭ baralaŭ za sutki, pry hetym častku pastavak Saudaŭskaja Aravija i Abjadnanyja Arabskija Emiraty ŭžo pieranakiravali pa naftapravodach.
ZŠA pačali novuju chvalu ŭdaraŭ pa Iranie paśla zajaŭ Trampa pra zaviaršeńnie pieramirja
ZŠA znoŭ nanieśli maštabnyja ŭdary pa Iranie. Ceny na naftu tut ža padskočyli
ZŠA adklikajuć licenziju na prodaž iranskaj nafty paśla eskałacyi ŭ Armuzskim pralivie
U Tehieranie prachodzić raźvitańnie z Ali Chamieniei: Miadźviedzieŭ pahražaje błakadaj pralivaŭ, a novy lidar Irana chavajecca ŭ bunkiery
Saudaŭskaja Aravija rekordna źniziła ceny na naftu
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam25
Kamientary