Što budzie z cenami na ježu i jakija pośpiechi biełaruskaj sielskaj haspadarki
Dla sielskaj haspadarki 2021 hod choć i byŭ ciažkim z-za ŭmoŭ nadvorja, ale ŭsio ž skłaŭsia niadrenna: mnohija finansava-ekanamičnyja pakazčyki vyraśli, zajaviŭ siońnia ministr sielskaj haspadarki i charčavańnia Ivan Krupko. Vice-premjer Subocin daŭ prahnoz pa cenach, piša Onliner.by.
Pa słovach Krupko, ekspart pradukcyi ahrapramysłovaha kompleksu za 9 miesiacaŭ hetaha hoda skłaŭ $4,7 młrd, što na 12,6% vyšej za ŭzrovień za anałahičny pieryjad minułaha hoda. Vyručka pavialičyłasia na 14%, dasiahnuŭšy 12,2 młrd i zabiaśpiečyŭšy rentabielnuju pracu APK na ŭzroŭni 6,3% (u minułym hodzie było na 0,6% mienš).
Sielskahaspadarčaja halina atrymała prybytak u pamiery 778 młn rubloŭ (plus 24% da pakazčykaŭ za 9 miesiacaŭ 2020-ha).
Za košt hetaha ŭdałosia zabiaśpiečyć rost zarabotnaj płaty, padkreśliŭ ministr. Jana pavialičyłasia na 12% da ŭzroŭniu minułaha hoda, skłaŭšy 984 rubli.
«Ceny na pradukty charčavańnia ŭ Biełarusi abjektyŭna praciahnuć raści, ale…»
Vice-premjer Alaksandr Subocin zajaviŭ, što rostu cen abjektyŭna nie paźbiehnuć. I źviazana heta z suśvietnaj kanjunkturaj.
— Kali my pačynajem pierakryvać, niejak dušyć ceny na ŭnutranym rynku, a bolš cikavaj budzie cana ŭ Rasijskaj Fiederacyi, tyja ž ludzi buduć kuplać u kramie i aŭtobusami, mašynami lehkavymi vyvozić tudy tavar. Heta značyć, pieratok budzie ŭ lubym vypadku. Miažy jak takoj ža ŭ nas niama ŭ Sajuznaj dziaržavie, — skazaŭ jon.
Akramia taho, praciahnuŭ vice-premjer, daražejuć tavary, jakija tak ci inakš upłyvajuć na kančatkovy košt sielhaspradukcyi, u tym liku ŭhnajeńni, šerah impartnych składnikaŭ, zapčastki i inšaje.
- Heta značyć, usio abjektyŭna raście. Tamu dzieści ŭtrymać canu biez škody dla vytvorcy my nie zmožam. Ale jość vialikaja kolkaść miechanizmaŭ, jak źnivieliravać hetyja skački. Heta i adrasnaja padtrymka małamajomasnych słajoŭ, heta i dzieści abmiežavańnie maržynalnaści, abmiežavańnie rentabielnaści handlovych sietak. Usie hetyja miechanizmy va ŭradzie viadomyja, imi aktyŭna karystajemsia.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary