Kab navučyć čynavienstva vieści mikrabłohi, brytanski ŭrad vydaŭ ułasnuju instrukcyju «dla čajnikaŭ» pa asvajeńniu servisa Twitter. Takim čynam ułady namahajucca pašyryć śfieru svajho ŭpłyvu ŭ siecivie. Aŭtar pracy—słužačy ministerstva biznesa i inavacyj Nejł Viljams. Dakumient pamieram usiaho ŭ 20 staronak tłumačyć čynoŭnikam jak pry dapamozie paviedamleńniaŭ usiaho ŭ 140 simvałaŭ zabiaśpiečyć svaich čytačoŭ svaječasovymi navinami. «My vykarystoŭvajem technałohiju, jakaja źjaviłasia tolki paru hod tamu. Šmat chto tolki zaraz pačynaje ŭśviedamlać, u jakim kirunku jaje lepš vykarystoŭvać», kamientuje inicyjatyvu pradstaŭnik brytanskaha uradu.
U adpaviednaści z vydadzienym kiraŭnictvam čynoŭniki musiać pisać jak minimum dva i maksimum dziesiać paviedamleńniaŭ za pracoŭny dzień. Pry hetym časavy intervał pamiž dopisami pavinien być nie mienš jak poŭhadziny‑‑‑kab nie zaśmiečvać frendstužku svaich čytačoŭ, a sama infarmacyja—aktualnaj, sučasnaj i nadziejnaj, čas ad času viasiołaj. Abaviazkova praduhledžana adkazy na ŭsie kamientaryi «siabroŭ» (ci, tut pravilniej kazać, «fołłavieraŭ»).
«Sens hetaj inicyjatyvy ŭ tym, kab navučyć ludziej vykarystoŭvać Twitter i padšturchnuć usich da vykarystoŭvańnia adnaho j taho ž siervisu»,‑tłumačyć uradoviec. Varta adznačyć, što dla brytanskich palitykaŭ Twitter jak źjava nie jość čymści novym. Naprykład, u ministerstva zamiežnych spravaŭ i rezidencyi premjera ŭžo daŭno jość svaje ekkaunty. A ekkaunty bujniejšych palityčnych siłaŭ i ichnich lideraŭ abnaŭlajucca ledź nie štohadzinna.
Byłoha supracoŭnika kontrraźviedki KDB aryštavali za zdradu dziaržavie9
Kamientary