Ukraina padklučaje NFT-tokieny da finansavańnia armii
Novy ličbavy aktyŭ dapamoža sabrać hrošy na patreby armii i miedyja.
Ukrainski ŭrad źbirajecca zapuścić nieŭzajemazamianialnyja tokieny (NFT), jaki dazvolić adlustravać historyju rasijskaha ŭvarvańnia praz unikalnaje ličbavaje mastactva. Ličbavy abjekt pavinien dapamahčy ŭkraincam finansiravać patreby armii.
Zamministra ličbavaj transfarmacyi Ukrainy Alaksiej Barniakoŭ kaža, što kalekcyja tokienaŭ budzie padobnaj da «muzieja rasijska-ŭkrainskaj vajny», piša Guardian.
NFT — abjekt, jaki śviedčyć pra toje, što niejki ŭnikalny ličbavy abjekt naležyć kankretnamu čałavieku, navat kali jaho možna lohka skapijavać. Časam takija tokieny pradajucca pa davoli vialikim košcie.
Barniakoŭ kaža, što kožny tokien ukrainskaj kalekcyi budzie źmiaščać u siabie abjekt mastactva, jaki budzie adlustroŭvać historyju z vartaha davieru miedyja.
Ukrainskija arhanizacyi, što dapamahajuć armii, užo atrymali bolš za 60 miljonaŭ dalaraŭ achviaravańniaŭ u kryptavalutach. Barniakoŭ tłumačyć, što hetyja hrošy pajšli na zakup akularaŭ dla načnoha bačańnia, broniežyletaŭ, šlemaŭ i na finansavańnie miedyjaaktyŭnaści.
Ukrainski čynoŭnik taksama tłumačyć, što baraćba z Rasijaj u ličbavaj śfiery prynosić svaje vyniki. Ciapier sacsietki abo błakujuć kantent rasijskich dziaržaŭnych ŚMI (takich, jak Russia Today ci Sputnik, jakija raspaŭsiudžvajuć chłuśniu), abo markirujuć ich śpiecyjalnymi nadpisami.
Usio čaściej navokał havorać pra NFT. Tłumačym maksimalna prostymi słovami, što heta takoje
Rasija ŭdaryć pa Ukrainie chimičnaj zbrojaj? Usio moža być našmat praściej i trahičniej
Raście Signal, vyrvaŭsia Discord, a ŭ Biełarusi — TG. Jakija miesiendžary ciapier samyja papularnyja ŭ śviecie
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia1
Kamientary