U Biełarusi za studzień—lipień 2009 hoda pradadzieny 29.933 załatyja miernyja źlitki ahulnaj masaj 797 kiłahramaŭ, što amal u 1,7 raza mienš za abjom zołata, pradadzienaha za taki ž pieryjad minułaha hoda.
Pra heta śviedčać źviestki, padadzienyja BiełaPAN va ŭpraŭleńni infarmacyi Nacyjanalnaha banka.
Najbolšaj papularnaściu ŭ studzieni—lipieni karystalisia 10‑hramovyja źlitki zołata, jakich było pradadziena 7.792. Dalej u rejtynhu papularnaści iduć 5‑hramovyja (6.210) i 20‑hramovyja (5.837) źlitki. U hety pieryjad było taksama pradadziena 5.438 źlitkaŭ masaj 1 hram, 1.872 źlitki masaj 50 hramaŭ, 1.801 źlitak masaj 100 hramaŭ, 860 źlitkaŭ masaj 250 hramaŭ, 90 źlitkaŭ masaj 500 hramaŭ i 33 źlitki masaj 1 kiłahram. Pry hetym nazad u nasielnictva za try miesiacy vykuplena 196 kh zołata.
Prodaž nasielnictvu załatych miernych źlitkaŭ Nacyjanalny bank ažyćciaŭlaje praz svaje hałoŭnyja ŭpraŭleńni i adździaleńni (sa žniŭnia 2001 hoda) i šerah kamiercyjnych bankaŭ. Za hety čas ahulnaja masa pradadzienych źlitkaŭ skłała bolš za 5,8 tony, vykuplenych nazad — 647 kiłahramaŭ. Źlitki vyrableny z zołata najvyšejšaj proby (999) masaj 1, 5, 10, 20, 50, 100, 250, 500, 1.000 hramaŭ.
Pavodle źviestak Nacbanka, u studzieni—lipieni 2009 hoda ŭ Biełarusi značna vyras popyt na źlitki sierabra. Usiaho było realizavana 11.034 siarebranyja miernyja źlitki ahulnaj masaj 672,1 kh, što bolš čym u 12 razoŭ vyšej u paraŭnańni sa studzieniem—lipieniem 2008 hoda. Najbolšaj papularnaściu karystalisia źlitki masaj 10 hramaŭ, jakich było kuplena 3.553, a taksama źlitki masaj 20 hramaŭ (2.925), 50 hramaŭ (1.902) i 100 hramaŭ (1.755). Zvarotny vykup siarebranych miernych źlitkaŭ za siem miesiacaŭ 2009 hoda skłaŭ 55,1 kh.
Akramia taho, u studzieni—lipieni 2009 hoda było pradadziena 790 płacinavych miernych źlitkaŭ ahulnaj masaj 7 kh. Heta amal stolki ž, kolki było pradadziena za siem miesiacaŭ minułaha hoda. Najbolšaj papularnaściu karystalisia źlitki pa 5 hramaŭ, jakich było kuplena 602, a taksama źlitki masaj 10 hramaŭ (91) i 1 hram (44). Zvarotny vykup płacinavych miernych źlitkaŭ u studzieni—lipieni 2009 hoda skłaŭ 727 hramaŭ.
Ciapier čytajuć
Byłoha supracoŭnika kontrraźviedki KDB aryštavali za zdradu dziaržavie9
Kamientary