BNR u Homieli nie budzie

Homielski harvykankam admoviŭ u pierajmienavańni vulicy Hieorhija Dzimitrava ŭ Navabielickim rajonie Homiela ŭ honar dziejača BNR Pałuty Badunovaj.

Kopiju adkazu z harvykankama pieradaŭ BiełaPAN aktyvist arhkamiteta pa stvareńni partyi «Biełaruskaja chryścijanskaja demakratyja» Siarhiej Tryfanaŭ.

«Tapanimičnaj kamisijaj pry razhladzie hetaha pytańnia byŭ pryniaty da ŭvahi toj fakt, što

Hieorhij Dzimitraŭ źjaŭlaŭsia adnym sa słavutych lideraŭ mižnarodnaha antyfašysckaha kamunistyčnaha ruchu, i pierajmienavańnie vulicy vykliča niehatyŭnuju reakcyju značnaj častki žycharoŭ našaha horada, u pieršuju čarhu pradstaŭnikoŭ starejšaha pakaleńnia, jakija admoŭna staviacca da źmieny nazvaŭ savieckaha pieryjadu historyi horada Homiela», — havorycca ŭ adkazie.

Admoŭlena i va ŭstanoŭcy miemaryjalnaj doški ŭ honar słavutaj ziamlački: «U suviazi z tym, što dom, dzie žyła Badunova, nie zachavaŭsia, ustanoŭka miemaryjalnaj doški ŭ jaje honar na inšym budynku vulicy, jakaja nosić imia inšaha čałavieka, kamisijaj pryznana nieetyčnaj».

Ź inicyjatyvaj ab pierajmienavańni vulicy homielskija aktyvisty vystupili jašče ŭ 2007 hodzie. Jany apytali žycharoŭ Navabielickaha rajona, dzie žyła Badunova, ustanavili dakładny adras jaje miescažycharstva ŭ 1930‑ch hadach, infarmacyju pra što paćvierdzili dakumientalna — daviedkami z archiva, sabrali bolš za 300 podpisaŭ miascovych žycharoŭ pad adozvaj z prośbaj ab pierajmienavańni vulicy.

Usie dakumienty byli nakiravany ŭ tapanimičnuju kamisiju pry Homielskim harvykankamie. Spačatku ŭ aktyvistaŭ paprasili padać dadatkovyja paćviardžeńni taho, što Badunova žyła mienavita pa hetym adrasie, zatym im paviedamili, što pytańnie ab pierajmienavańni vulicy budzie razhledžana ŭładami paśla vyvučeńnia ŭsich dakumientaŭ i pry ŭdziele historykaŭ. U červieni 2009 hoda namieśnik staršyni harvykankama Siarhiej Parošyn adkazaŭ aktyvistam, što «tapanimičnaj kamisijaj rekamiendavana administracyi Navabielickaha rajona aformić ekspazicyju ŭ pamiać dziejnaści Badunovaj u muziei historyi Navabielickaha rajona, raźmieščanym u siaredniaj škole № 41». Aktyvisty hetaj prapanovaj byli nie zadavoleny i znoŭ paprasili haradskija ŭłady prysvoić vulicy imia Pałuty Badunovaj abo dać arhumientavany adkaz u vypadku admovy.

«Ja mierkavaŭ, što harvykankam moža nam admović, ale nie čakaŭ, što ich admova budzie arhumientavana nastolki absurdna», — prakamientavaŭ adkaz Siarhiej Tryfanaŭ.

Alena Hiermanovič, BiełaPAN.

• 0
• 0
• 0
• 0
• 0
• 0
• 0
• 0