Advakat Maksim Znak, jakoha asudzili na dziesiać hadoŭ turmy, učora, 8 červienia byŭ pazbaŭleny advakackaj licenzii.
U zajavie Ministerstva justycyi skazana, što Maksima Znaka pazbavili licenzii na advakackuju dziejnaść u suviazi z vyklučeńniem ź Minskaj abłasnoj kalehii advakataŭ, a taksama z-za taho, što ŭstupiŭ u zakonnuju siłu pryhavor suda ab pryznańni Znaka vinavatym u ździajśnieńni naŭmysnaha złačynstva.
Advakat Maksim Znak byŭ asudžany na 10 hadoŭ kałonii ŭzmocnienaha režymu za «zakliki naškodzić biaśpiecy Respubliki Biełaruś», «zmovu z metaj zachopu ŭłady» i «stvareńnie ekstremisckaha farmavańnia». A pačałosia ŭsio z taho, što jon dałučyŭsia da štaba Viktara Babaryki i paśla zatrymańnia kandydata pradstaŭlaŭ jaho intaresy ŭ Centrvybarkamie.
Paśla vybaraŭ Znak, jak i Maryja Kaleśnikava, uvajšoŭ u prezidyum Kaardynacyjnaj rady.
Ciapier jon znachodzicca ŭ kałonii №3, što ŭ haradskim pasiołku Vićba.
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»23
Kamientary