Štohadovaja impreza prachodziła ŭ miascovym Parku atrakcyjonaŭ i tradycyjna sabrała šmat dziaciej i moładzi, paviedamlaje «Mahiloŭ.Media». Hałoŭnaja tradycyja festu — absypać adzin adnaho roznakalarovymi jarkimi farbami, jakija lohka zmyvajucca.
![](http://nashaniva.com/img/w840d4webp1/photos/z_2022_08/1-16-hf878.jpg.webp)
Farby ŭdzielniki kuplali na miescy. Jany biaśpiečnyja, ale i kaštujuć niatanna.
![](http://nashaniva.com/img/w732d4webp1/photos/z_2022_08/5-4-1024x768-ss0mu.jpg.webp)
Upieršyniu Colorfest praviali ŭ Mahilovie ŭ 2017 hodzie. Jon prajšoŭ na stadyjonie zavoda štučnaha vałakna, jaki tady jašče isnavaŭ. Heta addalenaja ad ludnych vulic miaścina, kudy apazicyjanieraŭ adpraŭlali pratestavać. Ale apošnija hady fest pravodziać u Parku atrakcyjonaŭ.
![](http://nashaniva.com/img/w732d4webp1/photos/z_2022_08/3-12-1024x769-3k8j7.jpg.webp)
Ideju praviadzieńnia fiestyvalaŭ farby jeŭrapiejcy padhledzieli ŭ induisckaj kultury. Śviata Holi (Piaščoty) — adno z najbolš malaŭničych u Indyi i Niepale. Bienhalcy z farbami adznačajuć svajo Novy hod i Śviata viasny.
![](http://nashaniva.com/img/w732d4webp1/photos/z_2022_08/7-2-1024x768-hy4uo.jpg.webp)
Upieršyniu ŭ Jeŭropie śviata Choli praviali 29 červienia 2012 hoda ŭ Bierlinie. U tym ža hodzie, pakolki impreza spadabałasia ludziam, adbylisia jašče try padobnyja festy. Samy masavy prajšoŭ u Miunchienie. Na jaho pryjšło 10 tysiač achvotnikaŭ pabyć murzatymi ad farbaŭ.
![](http://nashaniva.com/img/w732d4webp1/photos/z_2022_08/4-5-1024x768-saqgm.jpg.webp)
Z 2014 hoda Colorfest stanovicca adnojz ulubionych imprez jeŭrapiejcaŭ. I nie tolki jeŭrapiejcaŭ, bo jaho stali pravodzić taksama i ŭ Novaj Ziełandyi i navat Paŭnočnaj Afrycy.
![](http://nashaniva.com/img/w732d4webp1/photos/z_2022_08/2-17-1024x768-8pd5j.jpg.webp)
U Biełarusi taksama ŭzialisia papularyzavać śviata ź induisckimi karaniami. Da takoha navatarstva ŭ Mahilovie miascovaja ŭłada pastaviłasia ź niedavieram, tamu pieršapačatkova i adpraŭlała achvotnikaŭ absypacca farbami na addaleny ad haradskoha centra stadyjon.
![](http://nashaniva.com/img/w732d4webp1/photos/z_2022_08/6-2-1024x770-nepr7.jpg.webp)
Adaptavanaja pad Colorfest śviata Choli padajecca jak fiestyval, dzie ŭsie roŭnyja, niezaležna ad koleru skury, nacyjanalnaści, uzrostu i połu. Na im niama miesca kureńniu i ałkaholu — tolki zdarovy rozum, čystyja emocyi, śvietłyja pačućci i žyvyja znosiny.
Kamientary
kaki krasivy manikiur... da, Maks Dizajnier?