Stała viadoma, što źniavolenamu žurnalistu i aktyvistu Sajuza palakaŭ Andžeju Pačobutu vystavili novaje kryminalnaje abvinavačańnie, paviedamlaje BAŽ.
U dadatak da raniejšaha «Raspalvańnia varožaści» (art. 130 KK) Pačobutu vystavili abvinavačańnie i ŭ «zaklikach da mier abmiežavalnaha charaktaru (sankcyj), nakiravanych na pryčynieńnie škody nacyjanalnaj biaśpiecy» (art. 361 KK). Pra heta stała viadoma Biełaruskaj asacyjacyi žurnalistaŭ.
Andžej Pačobut za kratami pa tak zvanaj «polskaj spravie» z sakavika 2021 hoda. Nieŭzabavie sprava budzie pieradadzienaja ŭ sud.
Andrej Pačobut — hrodzienski žurnalist i siabra «Sajuza palakaŭ» u Biełarusi.
U abvinavačańni suprać žurnalista havorycca, što Pačobut u miedyja nazvaŭ ahresijaj napad SSSR na Polšču ŭ 1939 hodzie. Akramia hetaha, jamu inkryminavali zajavy ŭ abaronu polskaj mienšaści ŭ Biełarusi, artykuły pra biełaruskija pratesty ŭ 2020-m i tekst, napisany ŭ 2006 hodzie i pryśviečany Anatolu Radzivoniku, adnamu z kamandziraŭ polskaha antykamunistyčnaha padpolla na Hrodzienščynie.
Taksama viadoma, što vosieńniu 2021 hoda Pačobut admoviŭsia pisać prašeńnie ab pamiłavańni na imia Łukašenki.
Aficer-pahraničnik, jaki prajšoŭ praz turmu, raskazvaje pra žyćcio «da» i «paśla» dyj nie škaduje słoŭ pahardy dla amapaŭcaŭ3
Kamientary