Zialenski: Adnosna ŭkrainskaha hramadzianstva dla zamiežnych dobraachvotnikaŭ užo inicyjavanyja zakanadaŭčyja źmieny
Pytańnie pra ŭkranskaje hramadzianstva dla zamiežnikaŭ, jakija vajujuć za Ukrainu, vyrašajecca: užo inicyjavanyja zakanadaŭčyja źmieny. Tak prezident Ukrainy Uładzimir Zialenski adkazaŭ na pietycyju, apublikavanuju na pačatku červienia.
U svaim adkazie Zialenski taksama adznačaje, što ŭžo nieadnarazova vydavaŭ ukazy pra nadańnie hramadzianstva Ukrainy zamiežnym dobraachvotnikam.
U pietycyi prapanoŭvałasia nadavać ukrainskaje hramadzianstva zamiežnym dobraachvotnikam, u tym liku biełarusam, pavodle paskoranaj pracedury. Aŭtary zvarotu nahadvali, što biełarusy, jakija traplajuć u pałon, nie abaronienyja mižnarodnymi kanviencyjami jak vajennapałonnyja, ich abmien niemahčymy, a na radzimie im pahražaje kryminalnaja adkaznaść — až da śmiarotnaha pakarańnia.
Mienš čym za try miesiacy pad pietycyjaj padpisalisia bolš za 28 tysiač čałaviek. Dla razhladu i abaviazkova adkazu prezidenta nieabchodna, kab takich podpisaŭ naźbirałasia 25 tysiač.
Kamientary