Ляцелі ў казіно, а дамоў не вернуцца
Двое пасажыраў і трое членаў экіпажу загінулі. Бізнесоўцы ляцелі ў мінскае VIP-казіно Шангры Ла.
Каля аэрапорта «Мінск-2» разбіўся элітны самалёт. Двое пасажыраў і трое членаў экіпажу загінулі. Бізнесоўцы ляцелі ў мінскае VIP-казіно Шангры Ла.
За 4 кіламетры ад Нацыянальнага аэрапорта «Мінск‑2», у лесе каля вёскі Пяцілетка, пацярпеў крушэнне элітны лайнер бізнэс‑класа мадэлі «Фалькон», які належаў авіякампаніі «С‑эйр». Як паведамляюць інфармацыйныя агенцтвы са спасылкай на Міністэрства па надзвычайных сiтуацыях, пасажыры самалёта і пілоты загінулі.
Паводле апошніх звестак, загінулі пяць чалавек — два пілоты і тры пасажыры. Адзін з пасажыраў не прыйшоў на рэйс.
Спіс загінулых: кіраўнік авяікампаніі «С-эйр» Марат Рамашкін, другі пасажыр Малышаў і тры члены экіпажу — пілот Самойлаў, штурман Снімшчыкаў і бортправадніца Латуціна.
Бізнесоўцы ляцелі ў элітнае казіно «Шангры Ла», якое нядаўна адчынілася ў Мінску побач з Штаб-кватэрай СНД.
Казіно пераехала ў сталіцу Беларусі з Расіі.
Мінімальная сума абмену грошай на фішкі ў мінскім VIP-казіно складае 5 тыс. даляраў. Мінімальная стаўка ў рулетку — 25 даляраў, у картачных гульнях — 200 даляраў, пісаў учора Ежедневник.
У звычайных мінскіх казіно гэтыя сумы абмежаваныя 1 і 5 далярамі адпаведна.
Казіно «Шангры Ла» разлічана на заможных кліентаў з Беларусі і Расіі, прычым асноўная ўвага, меркавалася, будзе надавацца кліентам з Расіі пасля таго, як улады гэтай краіны пачалі згортваць крымінагенны гульнявы бізнэс.
Чартэрныя рэйсы з Масквы ў Мінск акурат і прадугледжваліся, каб яны маглі пагуляць у казіно.
Лайнер ляцеў з расійскага аэрапорта «Унукава» ў Нацыянальны аэрапорт «Мінск‑2».
З невядомай прычыны самалёт не здолеў зайсці на пасадку з першага разу і паспрабаваў прызямліцца, зрабіўшы кола над аэрапортам. Раптоўна лайнер прапаў з радараў.
Праз кароткі час самалёт, што пацярпеў крушэнне, знайшлі побач з аэрапортам, што знаходзіцца ў Смалявіцкім раёне.
* * *
Самалёт BAе-125 разлічаны на перавозку васьмі пасажыраў. Ён распрацаваны для бізнес-авіяцыі. Даўжыня фюзеляжу — 14,33 м, размах крылаў — 14,33 м, максімальная ўзлётная маса — 12,5 т. Максімальная хуткасць 805 км/г, экіпаж складаецца з двух чалавек.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта15
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары