U novym rymiejku znakamitaha multfilma Rusałačka zdajecca krychu mienš jarkaj, čym čakali prychilniki.
Kampanija Disney namahałasia trymać atmaśfieru maksimalnaj sakretnaści vakoł budučaha rymiejka adnaho sa svaich najlepšych chitoŭ — multfilma «Rusałačka». Aryhinalnaja multyplikacyjnaja stužka była vypuščanaja ŭ dalokim 1989 hodzie. A pra sioletni rymiejk ad režysiora Roba Maršała było viadoma niašmat, akramia daty premjery 26 maja i adnaho ćmianaha trejlera.
Novy film pa ŭsioj bačnaści zrobleny z vykarystańniem technałohii CGI-animacyi, pryznačanaj dla maksimalnaha nabližeńnia da realnaści. Nie ŭsie prychilniki «staroj» viersii acanili pieršy trejler, jaki atrymaŭ šmat niehatyŭnych vodhukaŭ. Novy karotki tyzier niekatorym ahladalnikam taksama zdaŭsia «trochi pryhłušanym», asabliva ŭ paraŭnańni ź jarkimi farbami aryhinała.
Hałoŭnuju rolu ŭ novaj stužcy syhrała Cheli Bejli, 22-hadovaja amierykanskaja śpiavačka i aktrysa.
Pa siužecie rusałka Aryel u čas karablekrušeńnia ratuje prynca, jaki tonie, — i pamiž imi, kaniečnie, uźnikaje kachańnie. Ale, jak zaŭsiody, na šlachu zakachanych uźnikajuć pieraškody. A kab stać čałaviekam, pakinuć rodny akijan i trapić u śviet ludziej, Aryel zaklučaje ździełku z marskoj viedźmaj Ursułaj i addaje toj svoj čaroŭny hołas.
Kamientary