Pavodle stanu na ranicu 9 listapada ŭ aptekach Minska pa‑raniejšamu nazirajecca deficyt procivirusnyja lekaŭ.
Pra heta śviedčyć abtelefanavańnie karespandentam BiełaPAN dziaržaŭnych i pryvatnych aptek. U šerahu aptek zajavili, što supraćvirusnyja preparaty ( «arpietoł», «arbidoł», aksalinavaja maź) pastupiać, mahčyma, zaŭtra.
Jak paviedamlałasia raniej, na minułym tydni RUP «Biełfarmacyja» nakiravała ŭ kancern «Biełbijafarm» list z prośbaj pavialičyć vytvorčaść šerahu supraćhrypoznych srodkaŭ u suviazi z pavyšanym popytam. Pradstaŭniki kancerna zapeŭnivali, što farmaceŭtyčnaja pramysłovaść hatova poŭnaściu zadavolić hety zapyt.
Jak paviedamiła namieśnik hienieralnaha dyrektara RUP «Biełfarmacyja» Śviatłana Kruk, pastupleńnie ŭ aptečnuju sietku «arpietoła» i aksalinavaj mazi zapłanavana na hetym tydni.
«U kancy minułaha tydnia na pradpryjemstvach pačata napracoŭka hetych lekaŭ, ciapier jany prachodziać pravierku na jakaść», — paviedamiła śpiecyjalist. Jana taksama adznačyła, što ŭ aptekach jość u najaŭnaści supraćvirusnyja srodki «Anhrymaks» biełaruskaj kampanii «Minskinterkaps».
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić
Kamientary