Kožnaje dzicia palitviaźnia atrymaje 100 jeŭra dla svaich letnich zabaŭ
Zbor anansavaŭ u svaim tvitary kiraŭnik «Bajsoła» Andrej Stryžak.
«My ŭžo atrymali 153 zajaŭki; majem hrošaj na 8 ź ich. A ci dapamožam astatnim — zaležyć ad vas», — piša Andrej Stryžak i papiaredžvaje, što nie varta karystacca biełaruskimi i rasijskimi kartkami.
Kožny dzicionak palitviaźnia atrymaje 100 jeŭra dla svaich letnich zabaŭ. My ŭžo:
- atrymali 153 zajaŭki;
- majem hrošaj na 8 ź ich. A ci dapamožam astatnim - zaležyć ad vas.
Padaruj dzicionku leta (karta/paypal) https://t.co/DKyoWwp5yX
UVAHA! Nie juzaj dla danata BY/RU karty i h.d. pic.twitter.com/xE3tNknuqj
«U Biełarusi ŭsio jašče vielizarnaja kolkaść palityčnych źniavolenych i byłych palitviaźniaŭ, u mnohich ź jakich jość dzieci. Ci varta kazać, što srodkaŭ, jakija moža zdabyć adzin z baćkoŭ, a časam i tolki babuli ci dziaduli, ledź chapaje na pakryćcio bytavych vydatkaŭ.
My chočam padaryć dzieciam, jakija i tak pieražyvajuć vielizarny stres ad rasstańnia z baćkami, momanty radaści.
Sabranyja srodki pojduć na dapamohu ŭ arhanizacyi letniaha adpačynku dla dziaciej palitviaźniaŭ i ludziej, jakija vyzvalilisia z turmy:
— ekskursii, pajezdki, padarožža, letnija dziciačyja łahiery;
— adukacyjnyja hurtki pa šachmatach, malavańniu i inš.;
— spartyŭnyja siekcyi: basiejn, tenis, futboł;
— ryštunak dla hulniaŭ: miačy, krasoŭki, hulni, samakat, rovar, roliki, pendźli, vatman.
Na kožnaje dzicia budzie vydzielena suma 100 jeŭra», — kažuć arhanizatary zbora.
Nahadajem, što ŭ kancy 2022 hoda «Bajsoł» abviaščaŭ zbor na kaladna-navahodnija padarunki dzieciam palitviaźniaŭ, i prajekt byŭ paśpiachova vykanany.
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie5
Kamientary