Кожнае дзіця палітвязня атрымае 100 еўра для сваіх летніх забаў
Збор анансаваў у сваім твітары кіраўнік «Байсола» Андрэй Стрыжак.
«Мы ўжо атрымалі 153 заяўкі; маем грошай на 8 з іх. А ці дапаможам астатнім — залежыць ад вас», — піша Андрэй Стрыжак і папярэджвае, што не варта карыстацца беларускімі і расійскімі карткамі.
Кожны дзіцёнак палітвязня атрымае 100 еўра для сваіх летніх забаў. Мы ўжо:
- атрымалі 153 заяўкі;
- маем грошай на 8 з іх. А ці дапаможам астатнім - залежыць ад вас.
Падаруй дзіцёнку лета (карта/paypal) https://t.co/DKyoWwp5yX
УВАГА! Не юзай для даната BY/RU карты і г.д. pic.twitter.com/xE3tNknuqj
«У Беларусі ўсё яшчэ велізарная колькасць палітычных зняволеных і былых палітвязняў, у многіх з якіх ёсць дзеці. Ці варта казаць, што сродкаў, якія можа здабыць адзін з бацькоў, а часам і толькі бабулі ці дзядулі, ледзь хапае на пакрыццё бытавых выдаткаў.
Мы хочам падарыць дзецям, якія і так перажываюць велізарны стрэс ад расстання з бацькамі, моманты радасці.
Сабраныя сродкі пойдуць на дапамогу ў арганізацыі летняга адпачынку для дзяцей палітвязняў і людзей, якія вызваліліся з турмы:
— экскурсіі, паездкі, падарожжа, летнія дзіцячыя лагеры;
— адукацыйныя гурткі па шахматах, маляванню і інш.;
— спартыўныя секцыі: басейн, тэніс, футбол;
— рыштунак для гульняў: мячы, красоўкі, гульні, самакат, ровар, ролікі, пэндзлі, ватман.
На кожнае дзіця будзе выдзелена сума 100 еўра», — кажуць арганізатары збора.
Нагадаем, што ў канцы 2022 года «Байсол» абвяшчаў збор на калядна-навагоднія падарункі дзецям палітвязняў, і праект быў паспяхова выкананы.
Каментары