Kaniec epochi: Iłan Mask płanuje zamianić ptušku z łahatypa Twitter na litaru Ch
Paśla taho, jak Iłan Mask kupiŭ Twitter, sacsietku čakaje čarhovaja źmiena.
Znakamituju siniuju ptušku z łahatypa Twitter miljarder choča zamianić na litaru Ch. Novy znak, jak śćviardžajecca, budzie simvalizavać unikalnaść i niedaskanałaść ludziej.
Iłan Mask kupiŭ Twitter u minułym hodzie. Paśla hetaha ŭ sacsietcy zrabili płatnaj siniuju ptušku vieryfikacyi. Z krasavika ŭ tych akaŭntaŭ, jakija raniej atrymali ptuški, ale nie płacili za ich, ptušak stali zabirać.
Mask uvioŭ taksama limit prahladu tvitaŭ za sutki. Spačatku ličby nazyvalisia takija: vieryfikavanyja karystalniki, jakija nabyli padpisku za vosiem dalaraŭ, mahli pračytać za dzień šeść tysiač tvitaŭ, nievieryfikavanyja — 600 tvitaŭ, u toj čas jak novyja karystalniki bieź vieryfikacyi — usiaho 300 tvitaŭ. Paźniej suadnosiny trojčy źmianialisia. Apošniaje abnaŭleńnie — 10000 / 1000 / 500.
Mask tłumačyŭ rašeńnie ŭvieści kvoty baraćboj z «ekstremalnym uzroŭniem» zboru danych i manipulacyj sistemy.
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali, što heta rasijanie jaho viaduć. Nie, za im staić supierahient Łukašenki25
Kamientary
)