Estonija abmiarkuje ź Finlandyjaj i Narviehijaj miechanizm zakryćcia miažy z Rasijaj
Polšča i krainy Bałtyi płanujuć abmierkavać z Narviehijaj i Finlandyjaj miechanizmy i praviły sumiesnaha zakryćcia miažy z Rasijaj u vypadku surjoznych incydentaŭ. Pra heta zajaviŭ kiraŭnik MUS Estonii Łaŭry Laeniemiets na pres-kanfierencyi pa vynikach sustrečy ŭ Varšavie z partniorami z Łatvii, Litvy i Polščy, na jakoj abmiarkoŭvałasia pytańnie poŭnaha zakryćcia miažy ź Biełaruśsiu, piša TASS.
Jak adznačyŭ ministr, u Estonii niama miažy ź Biełaruśsiu, ale kraina padtrymlivaje dziejańni sajuźnikaŭ.
Pa słovach Laeniemietsa, na sustrečy ŭ Varšavie ŭ cełym abmiarkoŭvalisia miechanizmy i płany dziejańniaŭ na vypadak kryzisu ŭ pamiežnaj zonie luboj z čatyroch krain.
«My havaryli taksama ab vykarystańni tych ža praviłaŭ na miažy z Rasijaj. Važna pačać havaryć na hetuju temu ź Finlandyjaj i Narviehijaj, kab dziejničać salidarna», — ukazaŭ jon.
«My spadziajomsia, što ŭ budučyni ŭ nas buduć miechanizmy, sistemy, kryteryi taho, kali, u jaki momant my pačynajem ahulnyja i salidarnyja dziejańni, kab my byli hatovyja zakryć usie pamiežnyja punkty razam», — reziumavaŭ jon.
Raniej na pres-kanfierencyi ŭ Varšavie było abvieščana, što kiraŭniki MUS Polščy, Litvy, Łatvii i Estonii ŭzhadnili miechanizm adnačasovaha zakryćcia miažy ź Biełaruśsiu ŭ vypadku surjoznych incydentaŭ, źviazanych z vykarystańniem zbroi abo masavym nielehalnym pierasiačeńniem miažy.
Litva nazvała jašče pierachody, jakija mohuć zakryć, i dva krytery, pa jakich całkam zakryjuć miažu ES ź Biełaruśsiu
Litva padumvaje pra zakryćcio miažy z Kalininhradskaj vobłaściu
Kiraŭniki MUS Litvy i Polščy abmierkavali mahčymuju izalacyju Biełarusi
«Žartaŭ nie budzie». Premjer Łatvii nazvaŭ mabilizacyju dadatkovych sił na biełaruskuju miažu papieradžalnaj akcyjaj
Kamientary