Prezident Jeŭrapiejskaha parłamienta Ježy Buziek pieradaŭ premijuna karyść Jeŭrapiejskaha humanitarnaha univiersiteta.
Jak paviedamlaje pres‑słužba prezidenta, 8 śniežnia ŭ Bonie Ježy Buzieku była ŭručana prestyžnaja premija «Staatspreis» fiederalnaj ziamli Paŭnočny Rejn — Viestfalija. Spadar Buziek uhanaravany premijaj za ŭłasnyja žyćciovyja dasiahnieńni, taksama sioletni vybar pieramožcy padkreślivaje rolu Jeŭrapiejskaha parłamienta jak ruchavika intehracyi.
Premiju pamieram 25.000 jeŭra staršynia Jeŭraparłamienta vyrašyŭ pieradać Jeŭrapiejskamu humanitarnamu univiersitetu ŭ Vilni. Kamientujučy svajo rašeńnie, spadar Buziek skazaŭ: «Razvažajučy pra budučyniu i pra tych, chto nie maje mahčymaści ŭdzielničać u našym prajekcie jeŭrapiejskaj intehracyi, ja pryniaŭ rašeńnie achviaravać premijalnuju hrašovuju ŭznaharodu Jeŭrapiejskamu humanitarnamu univiersitetu ŭ Vilni».
Jak havorycca ŭ pres‑relizie, EHU — heta adziny niezaležny biełaruski univiersitet, u jakim studenty ź Biełarusi mohuć volna vykazvać svaje dumki i vyvučać takija pradmiety, jak palityčnyja navuki i jeŭrapiejskaje prava. Asnoŭnaja meta EHU — viartańnie ŭ Minsk. «Adnak heta zrobicca mahčymym tolki tady, kali ŭ krainie ažyćciaviacca ahulnyja demakratyčnyja pieraŭtvareńni», — zajaviŭ prezident Jeŭraparłamienta.
Nahadajem, što sioleta ŭ kastryčniku padčas svajho vizita ŭ Vilniu Ježy Buziek naviedvaŭ EHU.
Kamientary