Miedycynskija recepty možna budzie vypisvać biez vyšejšaj adukacyi
Unieśli źmieny ŭ Instrukcyju ab paradku vypisvańnia recepta doktara i stvareńnia elektronnych receptaŭ doktara. Zroblena heta pastanovaj Ministerstva achovy zdaroŭja ad 18 vieraśnia 2023 hoda № 139, apublikavanaj na Nacyjanalnym pravavym partale.

Adnym z asnoŭnych novaŭviadzieńniaŭ źjaŭlajecca pašyreńnie katehoryj miedycynskich rabotnikaŭ, jakija zmohuć z hetaha času vypisvać recept doktara i stvarać elektronny recept doktara.
Raniej na heta mieli prava tolki daktary-śpiecyjalisty z vyšejšuju miedycynskaj adukacyjaj, a taksama ŭ peŭnych vypadkach piedahahičnyja rabotniki miedycynskich VNU. Ciapier ža da ich dadalisia rabotniki, jakija majuć siaredniuju śpiecyjalnuju miedycynskuju adukacyju, što viaduć samastojny ambułatorny pryjom.
Praŭda, takija miedyki nie zmohuć vydavać recepty na leki i pieraviazačnyja materyjały na lhotnych abo biaspłatnych umovach, a taksama na narkatyčnyja srodki i psichatropnyja rečyvy.
Siaredniuju śpiecyjalnuju miedycynskuju adukacyju ŭ Biełarusi atrymlivajuć u kaledžach, adtul vypuskajuć fielčaraŭ, akušerak, miedsiaścior, pamočnikaŭ daktaroŭ, łabarantaŭ i inšych.
Akramia taho, pastanovaj №139 zabaraniajecca niejak skaračać pry vypisvańni receptaŭ nazvy miedycynskich preparataŭ. Raniej heta dapuskałasia ŭ vypadkach, kali skaračeńnie nie zaminała adnaznačnamu vyznačeńniu preparata.
Kamientary