Медыцынскія рэцэпты можна будзе выпісваць без вышэйшай адукацыі
Унеслі змены ў Інструкцыю аб парадку выпісвання рэцэпта доктара і стварэння электронных рэцэптаў доктара. Зроблена гэта пастановай Міністэрства аховы здароўя ад 18 верасня 2023 года № 139, апублікаванай на Нацыянальным прававым партале.
Адным з асноўных новаўвядзенняў з'яўляецца пашырэнне катэгорый медыцынскіх работнікаў, якія змогуць з гэтага часу выпісваць рэцэпт доктара і ствараць электронны рэцэпт доктара.
Раней на гэта мелі права толькі дактары-спецыялісты з вышэйшую медыцынскай адукацыяй, а таксама ў пэўных выпадках педагагічныя работнікі медыцынскіх ВНУ. Цяпер жа да іх дадаліся работнікі, якія маюць сярэднюю спецыяльную медыцынскую адукацыю, што вядуць самастойны амбулаторны прыём.
Праўда, такія медыкі не змогуць выдаваць рэцэпты на лекі і перавязачныя матэрыялы на льготных або бясплатных умовах, а таксама на наркатычныя сродкі і псіхатропныя рэчывы.
Сярэднюю спецыяльную медыцынскую адукацыю ў Беларусі атрымліваюць у каледжах, адтуль выпускаюць фельчараў, акушэрак, медсясцёр, памочнікаў дактароў, лабарантаў і іншых.
Акрамя таго, пастановай №139 забараняецца неяк скарачаць пры выпісванні рэцэптаў назвы медыцынскіх прэпаратаў. Раней гэта дапускалася ў выпадках, калі скарачэнне не замінала адназначнаму вызначэнню прэпарата.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае14
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары