Kiraŭnik Departamienta dziaržaŭnaj biaśpieki Litvy: My nazirajem histaryčna vysokuju aktyŭnaść biełaruskaha KDB
Pavodle jaho słoŭ, niekatoryja pradstaŭniki biełaruskaj dyjaspary ŭ Litvie vyklikajuć u supracoŭnikaŭ biaśpieki peŭnyja pytańni.
«My bačym aktyvizacyju dziejnaści KDB Biełarusi, jakaja faktyčna dasiahnuła histaryčnych vyšyń, takoj intensiŭnaj jana nie była nikoli», — zajaviŭ u niadzielu kiraŭnik Departamienta dziaržaŭnaj biaśpieki Litvy (DDBŁ) Daryus Jaŭniškis, paviedamlaje BNS.
Pavodle jaho słoŭ, «niekatoryja pradstaŭniki biełaruskaj dyjaspary ŭ Litvie vyklikajuć u supracoŭnikaŭ biaśpieki peŭnyja pytańni».
«Akramia taho, nie budziem zabyvać, što ŭ nas vielmi vialikaja biełaruskaja dyjaspara, žychary, jakija pryjazdžajuć siudy i, pa sutnaści, uzdymajuć peŭnyja kontrraźviednyja pytańni», — skazaŭ Jaŭniškis.
Uzmacnieńnie raspaŭsiudžvańnia rasijskaj prapahandy adčuvajecca i ŭ Litvie, kaža čynoŭnik.
«Ja dumaju, što Rasija prypyniła hetuju dziejnaść, napeŭna, jak tolki pačała vajnu va Ukrainie, tamu što raźličvała na vielmi lohkuju pieramohu i tam zatrymałasia, ale ciapier my adčuvajem peŭnuju aktyvizacyju», — skazaŭ Jaŭniškis.
Pa słovach kiraŭnika viedamstva, u jaho niama źviestak pra toje, što słužby niedružalubnych krain sprabujuć zavierbavać dziaržaŭnych čynoŭnikaŭ, dziaržsłužačych abo palitykaŭ: «U mianie zaraz niama takich raźviedvalnych źviestak, kali b i byli, to nie sumniajusia, što peŭnyja dziejańni byli b pryniaty. I kali budzie sproba nablizicca, ja nie sumniavajusia, što my jaje abaviazkova adsočym i ŭbačym».
Jaŭniškis kaža, što apošnim časam iłžyvyja paviedamleńni ab vybuchovych pryładach u škołach i inšych miescach Litvy źjaŭlajucca infarmacyjnymi atakami z boku varožych sił.
«Usie hetyja pahrozy padarvać škoły ci niejkija ŭstanovy ci pahrozy padarvać niejkuju HES, u rešcie rešt aeraporty — my pavinny razumieć, što my ŭžo ŭciahnutyja va ŭvieś hety vir. Heta infarmacyjnyja apieracyi, nakiravanyja na toje, kab kranać naš rozum, kab my pačali padazravać adzin adnaho, kab my ŭvieś čas žyli ŭ hetym pačućci niavyznačanaści, uvieś čas dumajučy, što ŭsio vielmi drenna. My heta, biez sumnievu, bačym i kanstatujem», — skazaŭ Jaŭniškis.
Ciapier čytajuć
Jak skłaŭsia los Jany Pačyckaj — dziaŭčyny, jakuju zatrymlivali razam z Kanavałavym i Kavalovym pa spravie ab terakcie ŭ mietro5
Kamientary
Źviestak ab viarboŭcy čynoŭnikaŭ niama, ale biełaruskija ahienty aktyŭničajuć.
U čym ich aktyŭnaść - nie paviedamlajecca.
Chočacca niejkyj kankretyki.