Kultura33

Apisali majomaść majontka «Padarosk». U jaho adnaŭleńnie ŭkładalisia pryvatnyja inviestycyi

Z 2013 hoda ŭ adnaŭleńnie historyka-kulturnaj kaštoŭnaści ŭkłali bolš za miljon dalaraŭ. Płanavałasia, što ŭ majontku «Padarosk» budzie muziej biełaruskaj šlachty. Užo prachodzili ekskursii.

Majontak «Padarosk». Fota: facebook.com/majontak.padarosk

Pra apisańnie majomaści ŭ majontku «Našaj Nivie» paviedamiŭ były dyrektar turystyčnaha pradpryjemstva «Padarosk» Andrej Kołas, jaki ciapier u emihracyi. Jon raskazaŭ, što majontak 14 śniežnia naviedali supracoŭniki niekalki dziaržaŭnych słužbaŭ.

«Jany apisali stan, u jakim ciapier znachodzicca majontak», — adznačyŭ Andrej Kołas.

Dalej majontak budzie pieradadzieny na bałans adździeła kultury Vaŭkavyskaha rajvykankama, dzie jon znachodziŭsia da 2013 hoda.

Vaŭkavyski sud pastanaviŭ skasavać damovu nabyćcia Paŭłam Padkarytavym majontka nibyta «z-za nievykanańnia ŭmovy pa ŭvodzie abjektaŭ u haspadarčy abarot». Rašeńnie ab skasavańni damovy sud pryniaŭ na pazoŭ adździeła kultury Vaŭkavyskaha rajvykankama.

Padkarytaŭ nazyvaŭ rašeńnie niezakonnym. Pavodle biznesoŭca, patrabavanych zakonam akaličnaściaŭ, dastatkovych dla skasavańnia damovy, nie było. A spravu musiŭ by razhladać Ekanamičny sud Hrodzienskaj vobłaści, a nie rajonny sud.

Prablemy ŭ turystyčnaha pradpryjemstva «Padarosk» źjavilisia letaś, kali zatrymali kiraŭnika Juryja Mielaškieviča.

Pad kryminalny pieraśled trapili taksama finansavy dyrektar Źmicier Karabač i buchhałtarka Volha Bałtrukievič. Im vystavili abvinavačańnie ŭ niaspłacie padatkaŭ i strachavych unioskaŭ z zarobkaŭ rabotnikaŭ amal na 400 000 rubloŭ. Juryj Mielaškievič pravioŭ pad vartaj paŭhoda i ŭ krasaviku 2023 hoda byŭ vyzvaleny pad paruku.

Krynica, znajomaja ź situacyjaj, adznačała tady, što sprava suprać kiraŭnictva pradpryjemstva palityčna matyvavanaja.

Pavodle jaje, da padziej 2020-ha «Majontak Padarosk» pracavaŭ dobra, adnosiny z uładami byli narmalnyja, pretenzij, u tym liku ekanamičnych, nie ŭźnikała. Z 2020-ha stała zrazumieła, što kali-niebudź los represij napatkaje i «Majontak Padarosk».

Siadziba ŭ Padarosku, što ŭ Vaŭkavyskim rajonie, u daŭniejšyja časy naležała rodu Čačotaŭ i Bochvicaŭ.

Zaniadbany falvarak u 2013 hodzie vykupiŭ za 118 tysiač dalaraŭ rasijski inviestar ź biełaruskimi karaniami Pavieł Padkarytaŭ.

Pakul nie pačalisia prablemy, u adnaŭleńnie historyka-kulturnaj kaštoŭnaści było ŭkładziena bolš za 1 miljon dalaraŭ. Byŭ uparadkavany park, budynki, zroblena brama, daroha. Uviedzienaja sistema kanalizacyi i filtracyi.

Płanavałasia, što ŭ siadzibie budzie stvorany muziej biełaruskaj šlachty. Tam była razhornutaja časovaja ekspazicyja. Było adkryta 14 pakojaŭ. Prachodziła šmat ekskursij.

«Naša Niva» — bastyjon biełaruščyny

PADTRYMAĆ

Hladzicie taksama:

Lehiendy Padaroska: što adbyvajecca ŭ majontku, jaki vykupiŭ biznesoviec pad Muziej biełaruskaj šlachty ŠMAT FOTA

Rasijski biznesoŭca skuplaje biełaruskija siadziby

«Apaviadać pra Biełaruś — častka našaha servisu». Siostry-biełaruski žyvuć u Brazilii i robiać tatu z nacyjanalnym arnamientam

Siadzibu Abuchovičaŭ u Niaśvižskim rajonie začyścili ad histaryčnych budynkaŭ

«Tut niama ludskich kram». Jak žyviecca na paŭvostravie la Śvisłačy ŭ centry Minska

Kamientary3

  • Kałmaty Vožyk
    15.12.2023
    Dalej majontak budzie pieradadzieny na bałans adździeła kultury Vaŭkavyskaha rajvykankama, dzie jon znachodziŭsia da 2013 hoda.



    Miljon dalaraŭ ukłali ŭ ramont! Možna
    zabirać?


    Kałhasnaja hałyćba darvałasia da ŭłady!
    Zabrać! Kanfiskavać! Padzialić! Pasadzić!

    Nu, chto tam jašče  choča kupić pałac i adrestaŭravać???
  • Žora
    16.12.2023
    Kłasika. Łachoŭ abstryhli i kinuli. Łochi sprabujuć hulacca ŭ zakony i sudziacca. Nu, na toje jany i łochi.
  • koler łukašyzma karyčnievy
    16.12.2023
    Pačalisia raskułačvańni, dalej 37 hod
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Tramp: 17 sistem Patriot adpravim va Ukrainu3

Tramp: 17 sistem Patriot adpravim va Ukrainu

Usie naviny →
Usie naviny

Sabalenka adarvałasia ŭ rejtynhu na hihanckija 4750 bałaŭ5

Kitajskija navukoŭcy stvaryli pčoł-kibarhaŭ5

Košt bitkojna ŭpieršyniu ŭ historyi pieravysiŭ 120 000 dalaraŭ1

Tramp siońnia abvieścić pra novy płan uzbrajeńnia Ukrainy4

Zialenski źbirajecca pamianiać premjera i ministra abarony3

«Temu hienacydu biełaruskaha naroda prydumali rasijanie i padsunuli heta ŭ jakaści scenaryja dla mabilizacyi biełarusaŭ»9

U aeraporcie pad Łondanam raźbiŭsia pryvatny samalot

Nasielnictva Jeŭrasajuza pierasiahnuła 450 miljonaŭ čałaviek. Ale rost nie paŭsiul6

Sienatar Hrem anansavaŭ rekordnyja pastaŭki zbroi Ukrainie paśla zaŭtrašniaj zajavy Trampa15

bolš čytanych navin
bolš łajkanych navin

Tramp: 17 sistem Patriot adpravim va Ukrainu3

Tramp: 17 sistem Patriot adpravim va Ukrainu

Hałoŭnaje
Usie naviny →

Zaŭvaha:

 

 

 

 

Zakryć Paviedamić