26 studzienia na sustrečy z navukovymi i navukova-piedahahičnymi rabotnikami Łukašenka zahavaryŭ pra jakaść adukacyi ŭ Akademii kiravańnia i vykazaŭ ideju, što jaje treba ŭmacoŭvać piedahahičnymi kadrami ź liku najvyšejšych čynoŭnikaŭ.
Pavodle Łukašenki, «kiraŭnikoŭ pavinny rychtavać usie», i navat jon sam nie vyklučeńnie.
«Tak, ja nie budu biehać tam pa aŭdytoryjach zamiest zahadčyka kafiedry, ale dzieści pry vypadku adzin raz, dva razy na hod i prezident tam taksama budzie», — adznačyŭ Łukašenka.
Pry hetym jon paraiŭ rektaru Akademii kiravańnia Viačasłavu Daniłoviču zaprašać taksama da vykładčyckaj pracy premjer-ministra, ministraŭ, kiraŭnika jahonaj administracyi.
Praŭda, vykonvać hetuju paradu daviadziecca, vidać, užo inšamu kiraŭniku akademii, bo Viačasłaŭ Daniłovič vystaŭleny kandydatam u deputaty Pałaty pradstaŭnikoŭ pa adnoj ź minskich akruh i jaŭna budzie tam «abrany».
Kamientary