Pravaabarončaja arhanizacyja «Freedom House» apublikavała štohadovy ahlad stanu palityčnych i hramadzianskich svabodaŭ u śviecie. Biełaruś znoŭ nazvanaja ŭ liku niesvabodnych krainaŭ.
Pravaabarončaja arhanizacyja «Freedom House» apublikavała štohadovy ahlad stanu palityčnych i hramadzianskich svabodaŭ u śviecie — «Freedom in the World 2010». Biełaruś znoŭ nazvanaja ŭ liku niesvabodnych krainaŭ.
Dakumient analizuje stan svabody ŭ 194‑ch krainach i 12‑ci hetak zvanych «terytoryjach», u jakich niama mižnarodna pryznanaha statusu niezaležnaj krainy (naprykład, Abchazija ci Prydniastroŭje).
Pavodle «Freedom House», u 2009 hodzie 89 krainaŭ — stolki, kolki i ŭ 2008‑m — možna było adnieści da katehoryi svabodnych (u ich pražyvaje 46% nasielnictva śvietu). U katehoryju «častkova svabodnych» trapiła 58 krainaŭ (20 adsotkaŭ suśvietnaha nasielnictva). Da niesvabodnych zaličana 47 krainaŭ (34% žycharoŭ śvietu, u ich žyvie 2,3 miljarda ludziej).
Pavodle ahladu, užo čaćviorty hod zapar lik krainaŭ, dzie situacyja z palityčnymi pravami i hramadzianskimi svabodami pahoršyłasia, pieravyšaje lik tych, dzie jana palepšyłasia. Letaś hetaja situacyja pahoršyłasia, miž inšym, u Iranie, Rasii, Vieniesuele, Kyrhyzstanie.
Biełaruś, jak i ŭ letašnim ahladzie «Freedom House», atrymała najhoršuju acenku ŭ katehoryi «palityčnyja pravy» — 7 bałaŭ, a ŭ katehoryi «hramadzianskija svabody» — 6 bałaŭ.
Usie krainy byłoha SSSR, akramia troch bałtyjskich respublik, Ukrainy i Małdovy (častkova svabodnaja), zaličanyja Freedom House da niesvabodnych krainaŭ.
Kamientary